விக்ரமின் ‘துருவ நட்சத்திரம்’ படத்தின் அசத்தல் அப்டேட்

விக்ரமின் ‘துருவ நட்சத்திரம்’ படத்தின் அசத்தல் அப்டேட்

கவுதம் மேனன் இயக்கத்தில் விக்ரம் நடிப்பில் உருவாகி வரும் ‘துருவ நட்சத்திரம்’ படத்தின் முக்கிய அப்டேட் வெளியாகி உள்ளது.

கவுதம் மேனன் இயக்கத்தில் உருவாகி வரும் படம் துருவ நட்சத்திரம். கவுதம் மேனனின் கனவு படமான இதில் விக்ரம் கதாநாயகனாக நடித்துள்ளார். அவருக்கு ஜோடியாக ரீத்து வர்மா, ஐஸ்வர்யா ராஜேஷ் ஆகியோர் நடிக்கின்றனர். இவர்களுடன் பார்த்திபன், ராதிகா சரத்குமார், சிம்ரன் உள்ளிட்ட பலரும் நடிக்கும் இந்த படத்தின் படப்பிடிப்பு கடந்த 2017ம் ஆண்டே தொடங்கிய நிலையில், இன்னும் நிறைவடையாமல் உள்ளது. 

இந்நிலையில், இப்படம் குறித்த முக்கிய அப்டேட் வெளியாகி உள்ளது. அதன்படி துருவ நட்சத்திரம் படத்தின் எஞ்சியுள்ள பணிகள் வருகிற மார்ச் மாதம் தொடங்க உள்ளதாம். தற்போது மணிரத்னத்தின் பொன்னியின் செல்வனில் நடித்து வரும் விக்ரம், அடுத்த மாதம் அதன் படப்பிடிப்பு முடிந்ததும், துருவ நட்சத்திரம் படத்தின் டப்பிங் பணிகளில் ஈடுபட உள்ளாராம். இவை அனைத்தும் திட்டமிட்டபடி முடிந்தால், அடுத்த சில மாதங்களில் துருவ நட்சத்திரம் படம் வெளியாகும் என கூறப்படுகிறது.

Related Tags :

[embedded content]

Source: Malai Malar

Author Image
murugan