சசிகுமாரின் ‘எம்.ஜி.ஆர் மகன்’ படத்தின் அதிகாரப்பூர்வ வெளியீடு தேதி அறிவிப்பு

சசிகுமாரின் ‘எம்.ஜி.ஆர் மகன்’ படத்தின் அதிகாரப்பூர்வ வெளியீடு தேதி அறிவிப்பு

பொன்ராம் இயக்கத்தில் சசிகுமார், சத்யராஜ் நடிப்பில் உருவாகி உள்ள ‘எம்.ஜி.ஆர் மகன்’ படத்தின் அதிகாரப்பூர்வ வெளியீடு தேதி அறிவிக்கப்பட்டுள்ளது.

கிராமம் சார்ந்து கமர்ஷியல் படங்கள் கொடுத்து வெற்றி பெற்றவர் இயக்குனர் பொன்ராம். அவரது இயக்கத்தில் தற்போது உருவாகி உள்ள திரைப்படம் ‘எம்.ஜி.ஆர் மகன்’. சசிகுமார் கதாநாயகனாக நடித்துள்ள இந்தப் படத்தில், அவருக்கு ஜோடியாக மிருணாளினி ரவி நடித்துள்ளார். மேலும் சத்யராஜ், சரண்யா பொன்வண்ணன், சமுத்திரக்கனி, சிங்கம் புலி ஆகியோர் முக்கிய கதாபாத்திரத்தில்  நடித்துள்ளனர். 

வினோத் ரத்தினசாமி ஒளிப்பதிவு செய்துள்ள இந்தப் படத்துக்கு, அந்தோணிதாசன் இசையமைத்துள்ளார். இந்தப் படத்தை ஸ்கிரீன் சீன் ஊடகம் நிறுவனம் பெரும் பொருட்செலவில் தயாரித்துள்ளது.

இந்நிலையில், இப்படத்தின் அதிகாரப்பூர்வ வெளியீடு தேதி அறிவிக்கப்பட்டுள்ளது. அதன்படி வருகிற ஏப்ரல் 23-ந் தேதி இப்படம் திரையரங்கத்தில் வெளியாகும் என தெரிவிக்கப்பட்டுள்ளது. 

Related Tags :

[embedded content]

Source: Malai Malar

Author Image
murugan