திரிஷ்யம்-2 மறுதயாரிப்பு…. அதிகாரப்பூர்வ அறிவிப்பு வெளியானது – நடிக்கப்போவது யார் தெரியுமா?

திரிஷ்யம்-2 மறுதயாரிப்பு…. அதிகாரப்பூர்வ அறிவிப்பு வெளியானது – நடிக்கப்போவது யார் தெரியுமா?

மலையாளத்தில் வெளியாகி நல்ல வரவேற்பை பெற்று வரும் திரிஷ்யம் 2 படத்தின், மறுதயாரிப்பு குறித்த அதிகாரப்பூர்வ அறிவிப்பு வெளியாகி உள்ளது.

மலையாள சூப்பர் ஹிட் திரைப்படமான ‘திரிஷ்யம்’-ன் இரண்டாம் பாகமான ‘திரிஷ்யம்-2 ’ வெள்ளியன்று வெளியாகி பெரும் பாராட்டுதல்களை பெற்றுவரும் நிலையில், இப்படத்தின் தெலுங்கு பதிப்பு குறித்த சுவாரசிய தகவல்கள் வெளியாகியுள்ளன.

‘திரிஷ்யம்’ முதல் பாகத்தை தெலுங்கில் மறுதயாரிப்பு செய்த அதே குழு, இரண்டாம் பாகத்தின் மறுதயாரிப்புகுக்கும் தயாராகிறது. ஜீத்து ஜோசப் இயக்கத்தில், வெங்கடேஷ், மீனா, நதியா, நரேஷ் ஆகியோர் முக்கிய வேடங்களில் நடிக்கின்றனர். ‘திரிஷ்யம்’ திரைப்படங்களை மலையாளத்தில் இயக்கியதும் ஜீத்து ஜோசப் தான் என்பது குறிப்பிடத்தக்கது.

இப்படத்தின் பூஜை மார்ச் 1 அன்று நடைபெறுகிறது. மார்ச் 5 படப்பிடிப்பு தொடங்கி தொடர்ந்து 50 நாட்கள் நடைபெறுகிறது. தெலுங்கு பதிப்பை ராஜ்குமார் திரையரங்கம்ஸ் சார்பில் ராஜ்குமார் சேதுபதி மற்றும் ஸ்ரீ பிரியா, மலையாள தயாரிப்பாளரான அந்தோணி பெரும்பாவூர் மற்றும் பிரபல தெலுங்கு தயாரிப்பாளரான சுரேஷ் பாபு ஆகியோர் இணைந்து தயாரிக்கின்றனர்.

இதற்கிடையே, ‘திரிஷ்யம் 2’ படத்தின் தமிழ் பதிப்பை ராஜ்குமார் திரையரங்கம்ஸ் சார்பில் ராஜ்குமார் சேதுபதி ,ஸ்ரீ பிரியா ராஜ்குமார் மற்றும் ஆண்டனி பெரும்பாவுர் ஆகியோர் இணைந்து தயாரிக்க உள்ளனர். தமிழ் பதிப்பின் இயக்குநர், நடிகர்கள் மற்றும் தொழில்நுட்ப கலைஞர்கள் குறித்த அறிவிப்பு விரைவில் வெளியாகவிருக்கிறது.

‘திரிஷ்யம்’ திரைப்படத்தின் தமிழ் மறுதயாரிப்புகான ‘பாபநாசம்’, ஜீத்து ஜோசப் இயக்கத்தில், கமல்ஹாசன் மற்றும் கௌதமி உள்ளிட்டோர் நடிப்பில் வெளியாகி வெற்றி பெற்றது குறிப்பிடத்தக்கது.

Related Tags :

[embedded content]

Source: Malai Malar

Author Image
murugan