நேரடியாக டிவி-யில் ரிலீசாகும் ஜிவி பிரகாஷ் படத்தின் தலைப்பு அறிவிப்பு

நேரடியாக டிவி-யில் ரிலீசாகும் ஜிவி பிரகாஷ் படத்தின் தலைப்பு அறிவிப்பு

ராஜேஷ் எம் இயக்கத்தில் ஜிவி பிரகாஷ் நடித்துள்ள படத்தின் தலைப்பை படக்குழு அதிகாரப்பூர்வமாக அறிவித்துள்ளது.

தமிழ் திரையுலகில் முன்னணி இசையமைப்பாளராக வலம்வரும் ஜிவி பிரகாஷ், தற்போது நடிப்பிலும் கவனம் செலுத்தி வருகிறார். அவர் அடுத்ததாக நடிக்கும் புதிய படத்தை ராஜேஷ் எம் இயக்குகிறார். இவர் சிவா மனசுல சக்தி, பாஸ் என்கிற பாஸ்கரன் போன்ற படங்களை இயக்கி பிரபலமானவர். 

மேலும் இப்படம் நேரடியாக டி.வி.யில் வெளியிடுவதற்காக தயாராகிறதாம். இதில் ஜிவி பிரகாஷுக்கு ஜோடியாக பிகில் பட நடிகை அம்ரிதா ஐயர் நடிக்கிறார். மேலும் ஆனந்தராஜ், ரேஷ்மா, டேனியல் ஆகியோர் முக்கிய கதாபாத்திரங்களில் நடிக்கின்றனர். இப்படத்தின் படப்பிடிப்பு விறுவிறுப்பாக நடைபெற்று வருகிறது.

இந்நிலையில், இப்படத்தின் தலைப்பை படக்குழு அதிகாரப்பூர்வமாக அறிவித்துள்ளது. அதன்படி இப்படத்திற்கு ‘வணக்கம்டா மாப்ள’ என பெயரிட்டுள்ளனர். மேலும் இப்படத்தின் முதல் பார்வை விளம்பர ஒட்டி இன்று மாலை 4 மணிக்கு வெளியிடப்படும் என தெரிவிக்கப்பட்டுள்ளது.

Related Tags :

[embedded content]

Source: Malai Malar

Author Image
murugan