Press "Enter" to skip to content

படப்பிடிப்பில் தவறி விழுந்த பிரியா வாரியர்

பிரபல நடிகை பிரியா வாரியர், தெலுங்கு படத்திற்காக பாடல் காட்சி படமாக்கப்பட்ட போது தவறி கீழே விழுந்துள்ளார்.

2018-ம் ஆண்டு வெளியான ‘ஒரு அடார் லவ்’ என்கிற மலையாள படத்தின் ‘மாணிக்ய மலரே பூவி’ என்ற பாடலில் நடித்து பிரபலமானவர் நடிகை பிரியா வாரியர். அந்தப் பாடலில் அவரது கண் சிமிட்டல் காட்சி பலரையும் ஈர்த்தது. அதன் மூலம் ஏராளமான ரசிகர்களையும் பெற்றார் பிரியா. 

அதைத்தொடர்ந்து தெலுங்கு, இந்தி, மலையாளம் உள்ளிட்ட பல்வேறு மொழி படங்களில் நடித்து வரும் இவர் தற்போது நிதின் உடன் ‘செக்’ என்ற தெலுங்கு படத்தில் நடித்து வருகிறார். இத்திரைப்படத்தின் பாடல் காட்சி படமாக்கப்பட்டு கொண்டிருக்கும் போது ஓடிவந்து நடிகர் நிதினின் முதுகில் ஏறுவதற்கு பதிலாக தவறி கீழே விழுந்துள்ளார் பிரியா வாரியர். 

உடனே அங்கிருந்த நபர்கள் ஓடி வந்து பிரியாவுக்கு உதவினர். தான் படப்பிடிப்பு ஸ்பாட்டில் தவறி கீழே விழுந்த காணொளியை பிரியா வாரியர் தனது இன்ஸ்டாகிராம் பக்கத்தில் பதிவிட்டுள்ளார். அதைப்பார்த்த அவரது ரசிகர்கள் பாதுகாப்பாகவும், எச்சரிக்கையுடனும் பணியாற்றுமாறு பிரியாவுக்கு அறிவுரை கூறி வருகின்றனர்.

Related Tags :

[embedded content]

Source: Malai Malar