Press "Enter" to skip to content

மறுதயாரிப்பு படங்களுக்கு கோலிவுட்டில் அதிகரிக்கும் மவுசு

மலையாளம், இந்தி, கன்னடம் போன்ற மொழிகளில் வெளியாகி வெற்றி பெற்ற படங்கள் கோலிவுட்டில் மறுதயாரிப்பு செய்யப்பட்டு வருகின்றன.

தமிழில் வெற்றி பெற்ற படங்களை தெலுங்கிலும், இந்தியிலும் மறுதயாரிப்பு செய்கிறார்கள். இதுபோல் பிறமொழிகளில் வரவேற்பு பெற்ற  படங்கள் தமிழில் மறுதயாரிப்பு செய்யப்படுகின்றன. மலையாளத்தில் 2019-ல் வெளியான ஹெலன் படத்தை தமிழில் அன்பிற்கினியாள் என்ற பெயரில் மறுதயாரிப்பு செய்கின்றனர். இதில் அருண்பாண்டியன் தனது மகள் கீர்த்தி பாண்டியனுடன் நடிக்கிறார். 

இந்தியில் ஆயுஷ்மன் குரானா நடித்து 2018-ல் திரைக்கு வந்த அந்தாதுன் படம் தமிழில் பிரசாந்த், சிம்ரன், கே.எஸ்.ரவிக்குமார் நடிக்க அந்தகன் என்ற பெயரில் மறுதயாரிப்பு ஆகிறது. மலையாளத்தில் வெளியான தி கிரேட் இந்தியன் கிச்சன் படம் தமிழில் ஐஸ்வர்யா ராஜேஷ் நடிக்க மறுதயாரிப்பு ஆகிறது. 

கன்னடத்தில் ரிஷாப் ஷெட்டி, ஹரிப்பிரியா ஆகியோர் நடித்து 2019-ல் திரைக்கு வந்த பெல்பாட்டம் படம் தமிழில் அதே பெயரிலேயே கிருஷ்ணா, மகிமா நம்பியார் நடிக்க மறுதயாரிப்பு ஆகிறது. மலையாளத்தில் வெற்றி பெற்ற ஆண்டிராய்டு குஞ்சப்பன் படம் தமிழில் கூகுள் குட்டப்பன் என்ற பெயரில் தர்ஷன், லாஸ்லியா நடிக்க தயாராகிறது. 

இந்தியில் ஆயுஷ்மன் குரானா நடித்த பதாய் ஹோ படம் தமிழில் ஆர்.ஜே.பாலாஜி நடிக்க வீட்ல விசேஷங்க என்ற பெயரில் தயாராக உள்ளது. மலையாளத்தில் பிருத்விராஜ் நடிப்பில் வெளியாகி வெற்றி பெற்ற ‘அய்யப்பனும் கோஷியும்’ படமும் தமிழில் மறுதயாரிப்பு ஆகிறது.

Related Tags :

[embedded content]

Source: Malai Malar