Press "Enter" to skip to content

மறுதயாரிப்பு படத்தில் நடிப்பதை உறுதிசெய்த ஐஸ்வர்யா ராஜேஷ்

மலையாளத்தில் வெளியாகி மிகப்பெரிய தாக்கத்தை ஏற்படுத்திய ‘தி கிரேட் இந்தியன் கிச்சன்’ திரைப்படம் தமிழில் மறுதயாரிப்பு ஆக உள்ளது.

மலையாளத்தில் கடந்த ஜனவரி மாதம் வெளியாகி மிகப்பெரிய தாக்கத்தை ஏற்படுத்திய படம் ‘தி கிரேட் இந்தியன் கிச்சன்’. இப்படத்தை தற்போது தமிழ் மற்றும் தெலுங்கில் மறுதயாரிப்பு செய்ய உள்ளனர். இதற்கான மறுதயாரிப்பு உரிமையை இயக்குனர் ஆர்.கண்ணன் கைப்பற்றி உள்ளார். இப்படத்தை அவரே இயக்கவும் உள்ளார். பெயரிடப்படாத இந்த படத்தில் கதாநாயகியாக நடிக்கப்போவது யார் என்ற எதிர்பார்ப்பு நிலவி வந்தது.

இந்நிலையில், இப்படத்தில் நடிகை ஐஸ்வர்யா ராஜேஷ் கதாநாயகியாக நடிக்க உள்ளதாக அதிகாரப்பூர்வமாக அறிவிக்கப்பட்டுள்ளது. இந்த படத்தின் பூஜை இன்று நடைபெற்றது. இதில் இயக்குனர் ஆர்.கண்ணன், நடிகை ஐஸ்வர்யா ராஜேஷ் உள்பட படக்குழுவினர் கலந்துகொண்டனர். இந்த படத்திற்கு பாலசுப்பிரமணியம் ஒளிப்பதிவு செய்யவுள்ளார். இந்த படத்தின் படப்பிடிப்பு மிக விரைவில் தொடங்கவுள்ளது.

Related Tags :

[embedded content]

Source: Malai Malar