கே.ஜி.எஃப்-2 வெற்றி -இனிப்புக்கட்டி (கேக்) வெட்டி கொண்டாடிய படக்குழு

பிரசாந்த் நீலின் இயக்கத்தில் யஷ் நடிப்பில் கடந்த 14-ம் தேதி வெளியான படம் கேஜிஎப் 2′. இதில், சஞ்சய் தத், ரவீணா தாண்டன், ஸ்ரீநிதி ஷெட்டி உள்ளிட்ட பலரும் நடித்துள்ளனர். ரசிகர்களின் மாபெரும் எதிர்பார்ப்பில் வெளியான இப்படம், விமர்சன ரீதியாகவும் வசூல் ரீதியாகவும் பிரம்மாண்ட வெற்றியை பெற்றது.

கே.ஜி.எஃப்-2 படக்குழு

இப்படம் முதல் நாளிலேயே உலகம் முழுவதும் சுமார் ரூ.133 கோடி மேல் வசூல் செய்து சாதனை செய்திருந்தது. ‘கேஜிஎப் 2’ படம் இந்திய அளவிலும், உலக அளவிலும் பாக்ஸ் ஆபிசில் தொடர்ந்து தாக்கத்தை ஏற்படுத்தி வருகிறது. படம் வெளியான நான்கு நாட்களில் உலக அளவில் 500 கோடி ரூபாய் வசூலைத் தாண்டி சாதனை படைத்தது. இதன் மூலம், உலகளாவிய பாக்ஸ் அலுவலகம் வசூலில், ‘பென்டாஸ்டிக் பீஸ்ட்: தி சீக்ரெட் ஆப் டம்பிள்டோர்’ படத்திற்கு அடுத்த படியாக இரண்டாவது இடத்தில் உள்ளதாக தகவல்கள் தெரிவிக்கின்றன. தற்போது வரை சுமார் ரூ.600 கோடிக்கு மேல் வசூல் செய்து மாபெரும் சாதனை படைத்துள்ளது.

கே.ஜி.எஃப்-2 படக்குழு

இந்நிலையில், கே.ஜி.எஃப்-2 படத்தின் பிரம்மாண்ட வெற்றியை கோவாவில்இனிப்புக்கட்டி (கேக்) வெட்டி படக்குழு கொண்டாடி உள்ளது. இதில் நடிகர் யஷ், இயக்குனர் பிரசாந்த் நீல் உள்ளிட்ட படக்குழுவினர் பலரும் கலந்துகொண்டனர். இந்த புகைப்படங்கள் சமூக வலைத்தளத்தில் தற்போது மிகுதியாக பகிரப்பட்டுி வருகிறது.

[embedded content]