Press "Enter" to skip to content

கடும் எதிர்ப்பால் ஆயுட்கால தலைவர் பதவி வேண்டாம் என கல்மாடி கடிதம்

சென்னையில் நேற்று இந்திய ஒலிம்பிக் சங்கத்தின் பொதுக்கூட்டம் நடைபெற்றது. இந்த கூட்டத்தில் சுரேஷ் கல்மாடி மற்றும் அபேங் சிங் சவுதாலா ஆகியோர் ஆயுட்கால தலைவர்களாக நியமனம் செய்யப்பட்டனர்.

இவர்கள் இரண்டு பேர் மீதும் ஊழல் குற்றச்சாட்டுக்கள் உள்ளதால், இந்திய விளையாட்டுத்துறை மந்திரி விஜய் கோயல் கடும் அதிர்ச்சிகுள்ளானார். அவர்கள் இரண்டு பேரையும் உடனடியாக வாபஸ் பெற வேண்டும் இல்லை என்றால் கடும் விளைவுகளை சந்திக்க வேண்டும் என்றார்.

இந்நிலையில் சுரேஷ் கல்மாடி இன்று ஐ.ஓ.ஏ.யின் தலைவர் என். ராமச்சந்திரனுக்கு ஒரு கடிதம் எழுதியுள்ளார். அதில் ‘‘என்னை ஆயுட்கால தலைவர் பதவிக்கு கலந்தாலோசித்ததற்காக இந்திய ஒலிம்பிக் சங்கத்திற்கு நன்றி கூறுகிறேன். எனினும், மரியாதைக்குரிய அந்த பதவியை பெற இது சரியான நேரம் என்று நான் கருதவில்லை’’ என்று கடிதம் எழுதியுள்ளார்.

ஆனால் சவுதாலா, ‘‘என்னுடைய தேர்வுக்கு மிகவும் தெளிவானதாக இருக்கும் என்பதில் நான் உறுதியாக இருக்கிறேன். இந்த நேரம் வரை நான் இந்த முடிவில் இருந்து பின்வாங்கப் போவதில்லை’’ என்றார்.

Source: Maalaimalar

More from செய்திகள்More posts in செய்திகள் »
Mission News Theme by Compete Themes.