Press "Enter" to skip to content

’தல’ அஜித்துடன் மோதும் ’மிஸ்டர். லோக்கல்’ சிவகார்த்திகேயன்

Highlights

  • சிவகார்த்திகேயனின் ‘மிஸ்டர். லோக்கல்’ படம் மே-1ம் தேதி வெளியிடப்படுகிறது.
  • அதேநாளில் அஜித்தின் ‘ஏ.கே.59’ படமும் வெளிவருவதாக தெரிவிக்கப்பட்டுள்ளது.
அஜித் நடிப்பில் உருவாகி வரும் ’பிங்க்’ இந்தி படத்தின் தமிழ் மறுதயாரிப்பு வரும் மே 1ம் தேதி வெளிவரவுள்ள நிலையில், அதேநாளில் சிவகார்த்திகேயன், நயன்தாரா நடித்து வரும் மிஸ்டர். லோக்கல் திரைப்படமும் வெளிவருவதாக அதிகாரப்பூர்வமாக அறிவிக்கப்பட்டுள்ளது.

ராஜேஷ். எம் இயக்கத்தில், சிவகார்த்திகேயன் மற்றும் நயன்தாரா நடித்து வரும் படம் ’மிஸ்டர். லோக்கல்’. இந்த படத்தின் தலைப்பும், முதல் பார்வை போஸ்டரும் கடந்த பிப்.2ம் தேதி வெளியிடப்பட்டது.

ஸ்டூடியோ க்ரீன் சார்பில் கே.இ. ஞானவேல்ராஜா தயாரிக்கும் இந்த படத்திற்கு ஹிப் ஹாப் தமிழா இசையமைத்துள்ளார். சென்னையிலிருந்து பாரீஸுக்கு செல்லும் கதாநாயகன், அங்கு சந்திக்கும் சம்பவங்கே படத்தின் கதை.

எம். ராஜேஷ் படங்களுக்கே உரித்தான நகைச்சுவை, அதிரடி, காதல் உள்ளிட்ட அம்சங்களுடன், சிவகார்த்திக்கேயன் படங்களுக்கு ஏதுவான அம்சங்களும் ‘மிஸ்டர். லோக்கல்’ படத்தில் இடம்பெற்றிருக்கும் என எதிர்பார்க்கப்படுகிறது.

தற்போது இறுதிக்கட்டத்தை எட்டியுள்ள இப்படத்தில் படப்பிடிப்பு விரைவில் முடிவடையும் என தெரிகிறது. இந்நிலையில் இந்த திரைப்படம், மே-1 உழைப்பாளர் தினத்தை முன்னிட்டு திரைக்கு கொண்டுவரப்படுவதாக அறிவிக்கப்பட்டுள்ளது.

இதனிடையே மே 1ம் தேதி நடிகர் அஜித்தின் பிறந்தநாள் என்பதால், போனி கபூர் தயாரிப்பில் அஜித் நடித்து வரும் ‘ஏ.கே.59’ படம் வெளியிடப்படும் என அறிவிக்கப்பட்டுள்ளது. இந்த படம் பாலிவுட்டில் வெளியான பிங்க் படத்தின் மறுதயாரிப்பு என்பது குறிப்பிடத்தக்கது.

மே-1ம் தேதி வெளியாகும் அஜித் படங்கள் பெரியளவில் வரவேற்பு பெறும். அவருடைய ரசிகர்களுக்கு அது ஒரு கொண்டாட்டமான நாள். இந்நிலையில் அன்று சிவகார்த்திகேயன், நயன்தாராவின் ‘மிஸ்டர். லோக்கல்’ திரைப்படமும் வெளிவருவது திரைத்துறையில் போட்டியை உருவாக்கியுள்ளதாக ரசிகர்கள் தெரிவிக்கின்றனர்.

Source: samayam

More from செய்திகள்More posts in செய்திகள் »
Mission News Theme by Compete Themes.