Press "Enter" to skip to content

குடிமகன்களின் குஷிக்கு தடை

வேலூர்: தமிழகத்தில் நாடாளுமன்ற தேர்தல் ஏப்ரல் 18ம்தேதி தேதி நடக்கிறது. இதையொட்டி நடத்தை விதிமீறல்களை தேர்தல் ஆணையம் கடுமையாக கண்காணித்து வருகிறது. தொண்டர்களை குஷிப்படுத்த கட்சியினர் மது வாங்கிக் கொடுப்பது வாடிக்கையாக உள்ளது. இதற்காக டாஸ்மாக் கடைகளில் அரசியல் கட்சியினர் குவிந்துவிடுகின்றனர்.   இதை தடுக்கும் வகையில் தேர்தல் ஆணையம் நடவடிக்கை எடுத்து வருகிறது.  

அதாவது தமிழகம் முழுவதும் டாஸ்மாக் கடைகளில் இதற்கு முன்பு எவ்வளவு சரக்கு விற்பனையானது? தற்போது எவ்வளவு விற்பனையாகிறது? என்பது குறித்து தினந்தோறும் அறிக்கை தாக்கல் செய்ய ஒவ்வொரு மாவட்ட டாஸ்மாக் மேலாளர்களுக்கு தேர்தல் ஆணையம் உத்தரவிட்டுள்ளது. அதன்படி வேலூர் மாவட்டத்தில் டாஸ்மாக் கடைகளில் விற்பனையாகும் நிலவரம் குறித்து காலையில் தேர்தல் ஆணையத்திற்கு அறிக்கை அளிக்கப்பட்டு வருகிறது. ஒருவர் தனது தேவைக்கு மேல் அதிகமான மது வாங்கிச் செல்வது தெரியவந்தால், அதுகுறித்து தேர்தல் அதிகாரிகள் உரிய விசாரணை நடத்த வேண்டும். மேலும் அவர்களை தொடர்ந்து கண்காணிக்க வேண்டும். அவர்கள் அரசியல் கட்சி நிகழ்ச்சிகளுக்கு கொண்டு சென்றால் அவற்றை உடனடியாக பறிமுதல் செய்ய வேண்டும் என்று உத்தரவிட்டுள்ளதாக தேர்தல் அதிகாரிகள் தெரிவித்தனர்.

Source: Dinakaran

More from செய்திகள்More posts in செய்திகள் »
More from தமிழகம்More posts in தமிழகம் »