ஷாருக்கான் நடிப்பில் புதன்கிழமை வெளியாகும் ‘பதான்’ இந்தியப் படங்களிலேயே அதிக திரைகளிலும், நாடுகளிலும் திரையிடப்படும் முதல் படம் என்ற பெருமையை பெற்றுள்ளது.
சித்தார்த் ஆனந்த் இயக்கத்தில் ஷாருக்கான் நடித்துள்ள ‘பதான்’ திரைப்படம் வரும் ஜனவரி 25-ம் தேதி திரையரங்குகளில் வெளியாகிறது. ஆதித்யா சோப்ரா தயாரித்துள்ள இப்படத்தில் ஷாருக்கானுடன் தீபிகா படுகோன், ஜான் ஆப்ரகாம், டிம்பிள் கபாடியா உள்ளிட்டோர் முக்கிய கதாபாத்திரங்களில் நடித்துள்ளனர்.
யாஷ் ராஜ் தயாரிப்பு நிறுவனத்தின் 50-வது படமாக இந்தப் படம் உருவாகியிருக்கிறது. அண்மையில் வெளியான இப்படத்தின் ட்ரெய்லரின் தமிழ் பதிப்பை நடிகர் விஜய் வெளியிட்டிருந்தார். அதற்காக நடிகர் விஜய்க்கு, ஷாருக்கான் நன்றியும் தெரிவித்திருந்தார். இவை பதான் சிறப்பு தகவல்கள்:
- 100-க்கும் மேற்பட்ட நாடுகளில் வெளியாகும் முதல் இந்தியத் திரைப்படம்.
- புக் மை ஷோவில் முன்பதிவில் 10 லட்சத்துக்கும் அதிகமான அனுமதிச்சீட்டு விற்பனை நடந்துள்ளது.
- பிவிஆர், ஐநாக்ஸ் திரையரங்குகளில் நேற்று வரை படம் 4.19 லட்சம் அனுமதிச்சீட்டுகளை விற்பனை.
- இந்திக்கு அடுத்தபடியாக பதானின் தெலுங்கு பதிப்பில் அதிக முன்பதிவு அனுமதிச்சீட்டு விற்பனை நடந்துள்ளது.
- அனுமதிச்சீட்டு விற்பனையில் 30 சதவீதம் தென்னிந்தியாவில் இருந்து வந்துள்ளது.
- சைபீரியாவில் உறைந்தஎந்திர இருசக்கரக்கலன் (பைக்)கால் ஏரியில் பதான் படமாக்கப்பட்டுள்ளது.அங்கு படமாக்கப்பட்ட முதல் இந்தியப் படம் இதுவாகும்.
- வெளிநாட்டில் மட்டும் 2500-க்கும் அதிகமான திரைகள்; இந்தியாவில் 5000-க்கும் அதிகமான திரைகளில் படம் திரையிடப்படுகிறது.
- காலை 6 மணி காட்சிகள் கொண்ட முதல் ஷாருக்கான் படம் இது.
- முதல் நாள் இந்தியாவில் மட்டும் படம் ரூ.45- 50 கோடி வரை வசூலிக்கும் என கணிக்கப்பட்டுள்ளது.
- ஐசிஇ (Immersive Cinema Experience) ஃபார்மெட்டில் வெளியாகும் முதல் இந்தியத் திரைப்படம். ஐசிஇ என்பது சிறந்த திரையனுபவத்தைக் கொடுக்கும் தொழில்நுட்ப வடிவம் என்பது குறிப்பிடத்தக்கது.
Source: Hindu
