Press "Enter" to skip to content

ரஜினி நடிக்கும் ‘வேட்டையன்’ படத்தின் புதிய விளம்பர ஒட்டி வெளியீடு

சென்னை: ரஜினிகாந்த் நடிக்கும் ‘வேட்டையன்’ படத்தின் புதிய விளம்பர ஒட்டியை படக்குழு வெளியிட்டுள்ளது.

‘ஜெயிலர்’ வெற்றிக்குப் பிறகு ஞானவேல் இயக்கும் படத்தில் நடித்து வருகிறார் ரஜினிகாந்த். அவரது 170-வது படமான இதற்கு ‘வேட்டையன்’ என்று தலைப்பிடப்பட்டுள்ளது. இதில் இந்தி நடிகர் அமிதாப் பச்சன், ஃபஹத் ஃபாசில், ராணா, மஞ்சு வாரியர், ரித்திகா சிங், துஷாரா விஜயன் உட்பட பலர் நடிக்கின்றனர். அனிருத் இசை அமைக்கும் இந்தப் படத்தை லைகா நிறுவனம் தயாரிக்கிறது. இதன் முதற்கட்ட படப்பிடிப்பு திருவனந்தபுரம், திருநெல்வேலி பகுதிகளில் நடைபெற்ற நிலையில் அடுத்தக் கட்ட படப்பிடிப்பு மும்பையில் நடந்து வந்தது. தொடர்ந்து படப்பிடிப்பு விறுவிறுப்பாக நடைபெற்று வருகிறது.

சமீபத்தில் இப்படத்தின் அறிவிப்பு விளம்பரம் வெளியாகி நல்ல வரவேற்பை பெற்ற நிலையில், இன்று (ஜன.15) பொங்கல் பண்டிகையை முன்னிட்டு ‘வேட்டையன்’ படத்தின் புதிய விளம்பர ஒட்டியை படக்குழு வெளியிட்டுள்ளது. இந்த விளம்பர ஒட்டி வழக்கமான விளம்பர ஒட்டிகளை போல இல்லாமல் ஓவியத்தினால் உருவாக்கப்பட்டுள்ளது. இதனை ஓவியர் ராஜ்குமார் ஸ்தபதி வரைந்துள்ளார். இந்த விளம்பர ஒட்டி சமூக வலைதளங்களில் மிகுதியாக பகிரப்பட்டுி வருகிறது.

தற்போது புதுச்சேரியில் படப்பிடிப்பு நடைபெற்று வருகிறது. இந்த ஆண்டு இறுதியில் இப்படம் வெளியாகும் என்று எதிர்பார்க்கப் படுகிறது.

Source: Hindu

More from செய்திகள்More posts in செய்திகள் »