Press "Enter" to skip to content

அமைச்சர் எம்.சி.சம்பத் அப்பல்லோவில் அனுமதி.. ஓபிஎஸ் நலம் விசாரிப்பு

சென்னை: உடல் நலக்குறைவு காரணமாக தமிழக தொழிற்துறை அமைச்சர் எம்.சி.சம்பத் அப்பல்லோ மருத்துவமனையில் அனுமதிக்கப்பட்டுள்ளார். அவரை முதல்வர் பன்னீர்செல்வம் சந்தித்து உடல்நலம் விசாரித்தார்.

கடலூர் தொகுதியின் அதிமுக எம்.எல்.ஏவான எம்.சி.சம்பத் (58) தமிழக தொழில்துறை அமைச்சராக உள்ளார். அவருக்கு இன்று காலை திடீர் உடல்நலக்குறைவு ஏற்பட்டது. இதனைத் தொடர்ந்து உடனடியாக அவர் சென்னை, ஆயிரம் விளக்கு பகுதியிலுள்ள அப்பல்லோ மருத்துவமனையில் அனுமதிக்கப்பட்டார்.

மருத்துவமனையில் அவருக்கு தொடர்ந்து சிகிச்சை அளிக்கப்பட்டு வருகிறது. அவரது உடல்நிலை தற்போது சீராக இருப்பதாக மருத்துவமனை வட்டார தகவல்கள் தெரிவிக்கின்றன. இந்தநிலையில் இன்று மாலை அப்பல்லோ மருத்துவமனைக்கு முதல்வர் ஓ.பன்னீர்செல்வம் வந்தார். அங்கு எம்.சி.சம்பத்தை நேரில் சந்தித்து உடல்நலம் விசாரித்தார்.

Source: OneIndia

More from செய்திகள்More posts in செய்திகள் »
Mission News Theme by Compete Themes.