Press "Enter" to skip to content

அதிரடி மன்னன் மெக்கல்லம் பிக் பாஷ் டி20 லீக் தொடரில் இருந்து ஓய்வு

நியூசிலாந்து அணியைச் சேர்ந்த முன்னாள் அதிரடி மன்னன் பிரெண்டன் மெக்கல்லம் பிக் பாஷ் டி20 லீக் தொடரில் இருந்து ஓய்வு பெறுவதாக அறிவித்துள்ளார். #McCullum

நியூசிலாந்து அணியின் முன்னாள் அதிரடி வீரர் பிரெண்டன் மெக்கல்லம். சர்வதேச கிரிக்கெட்டில் இருந்து ஓய்வு பெற்ற இவர், உலகின் பல்வேறு பகுதிகளில் நடைபெறும் டி20 லீக் தொடர்களில் பங்கேற்று விளையாடி வருகிறார். தற்போது ஆஸ்திரேலியாவில் நடைபெற்று வரும் பிக் பாஷ் டி20 லீக்கில் பிரிஸ்பேன் ஹீட் அணிக்காக விளையாடி வருகிறார்.

நேற்று அடிலெய்டு ஸ்டிரைக்கர்ஸ் அணிக்கெதிராக மெக்கல்லம் 39 பந்தில் 51 ஓட்டங்கள் சேர்த்தார். போட்டி முடிந்த பின், இந்த சீசனோடு பிக் பாஷ் டி20 லீக் தொடரில் இருந்து ஓய்வு பெறுவதாக தெரிவித்தார்.

இதுகுறித்து பிரெண்டன் மெக்கல்லம் கூறுகையில் ‘‘2019-ல் உலகின் பல்வேறு இடங்களில் நடைபெறும் டி20 லீக் தொடர்களில் பங்கேற்று விளையாடுவேன். அதன்பின் பயிற்சியாளர் பதவி குறித்து யோசிப்பேன்’’ என்றார்.

Related Tags :

Source: Maalaimalar

More from விளையாட்டுMore posts in விளையாட்டு »
Mission News Theme by Compete Themes.