பெண்கள் ஹாக்கி: நியூசிலாந்திடம் 0-1 என தோல்வியடைந்தது இந்தியா

பெண்கள் ஹாக்கி: நியூசிலாந்திடம் 0-1 என தோல்வியடைந்தது இந்தியா

ஆக்லாந்தில் நடைபெற்ற பெண்கள் ஹாக்கியில் நியூசிலாந்திடம் 0-1 என இந்திய அணி தோல்வியடைந்து ஏமாற்றம் அடைந்தது.

இந்தியா – நியூசிலாந்து பெண்கள் ஹாக்கி அணிகளுக்கு இடையிலான போட்டி ஆக்லாந்தில் நடைபெற்று வந்தது. முதல் போட்டியில் இந்தியா 4-0 என வெற்றி பெற்றிருந்தது. 2-வது போட்டியில் 1-2 என தோல்வியடைந்திருந்தது.

இந்நிலையில் 3-வது போட்டி இன்று நடைபெற்றது. இதில் இந்தியா 0-1 என தோல்வியடைந்தது. தொடக்கத்தில் நியூசிலாந்துக்கு இரண்டு பெனால்டி கார்னர் வாய்ப்பு கிடைத்தது. அந்த வாய்ப்பில் நியூசிலாந்து வீராங்கனைகளை கோல் அடிக்க விடாமல் இந்தியா வீராங்கனைகள் சிறப்பாக தடுத்தனர்.

அதேபோல் 2-வது கால்நேர ஆட்டத்தில் இந்தியாவுக்கு அதிகமான பெனால்டி கார்னர் கிடைத்தது. இந்த முறை நியூசிலாந்து வீராங்கனைகள் சிறப்பாக தடுத்தனர். 3-வது கால்பகுதியில் நியூசிலாந்துக்கு ஒரு கோல் கிடைத்தது. 37-வது நிமிடத்தில் நியூசிலாந்து அணியின் ஹோப் ரால்ப் கோல் அடித்தார். இதனால் நியூசிலாந்து 1-0 என முன்னிலை பெற்றது.

அதன்பின் ஆட்ட நேரம் முடியும் வரை இரு அணி வீராங்கனைகளும் கோல் அடிக்காததால் இந்தியா 0-1 என தோல்வியடைந்தது.

Related Tags :

Source: Maalaimalar

Author Image
Ilayaraja