இன்ஸ்டாகிராமில் பின்தொடர்பவர்களின் எண்ணிக்கை 20 கோடி: கிறிஸ்டியானோ ரொனால்டோ சாதனை

இன்ஸ்டாகிராமில் பின்தொடர்பவர்களின் எண்ணிக்கை 20 கோடி: கிறிஸ்டியானோ ரொனால்டோ சாதனை

இன்ஸ்டாகிராமில் 20 கோடி பின்தொடர்பவர்களை கொண்டு கால்பந்து ஜாம்பவான் கிறிஸ்டியானோ ரொனால்டோ சாதனைப் படைத்துள்ளார்.

போர்ச்சுக்கலை சேர்ந்த கால்பந்து வீரர் கிறிஸ்டியானோ ரொனால்டோ உலகின் தலைசிறந்த வீரராக திகழ்ந்து வருகிறார். இவருக்கு உலகம் முழுவதும் கோடிக்காணக்கான ரசிகர்கள் உள்ளனர். இவர் வெளியிடும் படங்கள் மற்றும் செய்திகளை படிக்க சமூக வலைத்தளங்களில் அவர் பின்தொடர்கிறார்கள்.

அந்த வகையில் இன்ஸ்டாகிராமில் அவரை பின்தொடர்பவர்களின் எண்ணிக்கை 20 கோடியை தாண்டியுள்ளது. இதன்மூலம் இன்ஸ்டாகிராமில் 20 கோடியை தாண்டிய முதல் நபர் என்ற சாதனையைப் படைத்துள்ளார்.

மெஸ்சியை 14.1 கோடி பேரும், நெய்மரை 13.2 கோடி பேரும் பின்தொடர்கிறார்கள். இன்ஸ்டாகிராமில் விளம்பரம் தொடர்பான ஒரு போஸ்டை பதிவு செய்வதன் மூலம் சுமார் 7.30 கோடி ரூபாய் வருமானம் ஈட்டுவதாக தகவல்கள் தெரிவிக்கின்றன.

Related Tags :

Source: Maalaimalar

Author Image
Ilayaraja