ஆஸ்திரேலிய ஓபன் டென்னிஸ்: இரண்டாம் சுற்று ஆட்டத்தில் அசத்திய ஒசாகா

ஆஸ்திரேலிய ஓபன் டென்னிஸ்: இரண்டாம் சுற்று ஆட்டத்தில் அசத்திய ஒசாகா

ஆஸ்திரேலிய ஓபன் டென்னிஸ் தொடரில் செரீனா வில்லியம்ஸ் மற்றும் ஜப்பான் வீராங்கனை நவோமி ஒசாகா மூன்றாம் சுற்றுக்கு முன்னேறினார்.

மெல்போர்ன்:

ஆஸ்திரேலிய ஓபன் டென்னிஸ் தொடரில், இன்று மகளிருக்கான ஒற்றையர் பிரிவு இரண்டாம் சுற்று ஆட்டங்கள் நடைபெறுகின்றன. மெல்போன் பார்க் மைதானத்தில் நடைபெற்ற ஒரு ஆட்டத்தில் ஜப்பான் நாட்டின் முன்னணி வீராங்கனை நவோமி ஒசாகா,  பிரான்ஸ் வீராங்கனை கரோலின் கார்சியாவை எதிர்கொண்டார். 

உலகின் முன்னணி வீராங்கனையான கரோலின், ஒசாகாவுக்கு கடும் சவால் அளிப்பார் என ரசிகர்கள் எதிர்பார்த்தனர். ஆனால் இந்த கணிப்புகளை தகர்த்த நவோமி ஒசாகா, அபாரமான ஆட்டத்தை வெளிப்படுத்தி 6-2, 6-3 என்ற நேர்செட்களில் வெற்றி பெற்றார். இதன்மூலம் அவர் மூன்றாம் சுற்றுக்கு முன்னேறினார். மூன்றாம் சுற்றில் ஓனஸ் ஜாபருடன் மோத உள்ளார்.

இதேபோல் ஒற்றையர் பிரிவில் இதுவரை 23 சாம்பியன் பட்டங்களை கைப்பற்றி உள்ள அமெரிக்க வீராங்கனை செரீனா வில்லியம்ஸ், நினா ஸ்டோஜனாவிக்கை 6-3, 6-0 என எளிதாக வீழ்த்தி மூன்றாம் சுற்றை உறுதி செய்தார். 

ஆஸ்திரேலிய ஓபனில் 7 முறை சாம்பியன் பட்டம் வென்றுள்ள செரீனா கடந்த ஆண்டு மூன்றாம் சுற்றில் வெளியேறினார். இது அவருக்கு மிகவும் மோசமான தோல்வியாக பார்க்கப்படுகிறது. இந்த முறை மூன்றாம் சுற்றில் அவரைவிட தரநிலையில் மிகவும் பின்தங்கி உள்ள ரஷிய வீராங்கனை அனஸ்தாசியாவை எதிர்கொள்கிறார். 

Related Tags :

[embedded content]

Source: Maalaimalar

Author Image
Ilayaraja