காலா படத்தில் நடித்து தமிழ் ரசிகர்களை கவர்ந்த ஹூமா குரேஷி தற்போது வலிமை படத்தில் ஆக்ஷன் காட்சிகளில் நடித்திருப்பதாக செய்திகள் வெளியாகியுள்ளது.
அஜித் நடிப்பில் தற்போது ‘வலிமை’ திரைபப்டம் உருவாகி வருகிறது. இதில் அவர் போலீஸ் அதிகாரியாக நடிக்கிறார். ‘நேர்கொண்ட பார்வை’ படத்தை அடுத்து எச்.வினோத் இதை இயக்கி வருகிறார். அஜித் ஜோடியாக, யாமி கவுதம் நடிக்கிறார் என்றும் இலியானா நடிக்கிறார் என்றும் தகவல்கள் வெளியாயின.
இப்போது இந்தி நடிகை ஹூமா குரேஷி நடிக்கிறார். இவர் ரஜினிகாந்தின் ‘காலா’ படத்தில் நடித்திருந்தார். இந்தியில் கேங்ஸ் ஆப் வாஸிபுர், டி டே, ஹைவே, ஜாலி எல்.எல்.பி, விக்டரி ஹவுஸ் உட்பட பல படங்களில் நடித்தவர். படத்தில் ஹீரோயினுக்கும் ஆக்ஷன் காட்சிகள் இருப்பதாகக் கூறப்படுகிறது. இந்தப் படத்துக்காக நடிகை ஹூமா, புல்லட் ஓட்டி பயிற்சிப் பெற்றுள்ளார். சென்னையின் சில பகுதிகளில், ஹெல்மெட் அணிந்தபடி, அவர் புல்லட்டில் ரவுண்ட் அடித்துள்ளார்.
வலிமை படத்தின் ஷூட்டிங் வேகமாக நடந்து வந்தது. கொரோனாவுக்காக படப்பிடிப்புகள் ரத்து செய்யப்பட்டுள்ளதால், வலிமை படப்பிடிப்பும் பாதிக்கப்பட்டுள்ளது.
Source: Malai Malar