கவுதம் மேனன் இயக்கத்தில் உருவாகி வரும் கார்த்திக் டயல் செய்த எண் என்ற குறும்படத்தின் இசையமைப்பாளர் குறித்த தகவல் வெளியாகி உள்ளது.
கவுதம் மேனன் இயக்கத்தில் உருவாகியுள்ள குறும்படம் கார்த்திக் டயல் செய்த எண். இக்குறும்படத்தில் திரிஷா நடித்துள்ளார். சிம்பு நடித்துள்ளாரா? இல்லையா என்பதை கவுதம் மேனன் சஸ்பென்ஸாக வைத்துள்ளார். விண்ணைத்தாண்டி வருவாயா படத்தின் 2-ம் பாகத்தின் முன்னோட்டமாக இந்த குறும்படம் இருக்கும் என கவுதம் மேனன் தெரிவித்துள்ளார்.
கார்த்திக் டயல் செய்த எண் குறும்படத்தின் டீசர் சமீபத்தில் வெளியாகி நல்ல வரவேற்பை பெற்றது. தற்போது கொரோனா ஊரடங்கால் சினிமா துறை முடங்கியதால் சோகத்தில் இருக்கும் கார்த்திக்கிற்கு ஜெஸ்சி ஆறுதல் கூறுவது போல இந்த குறும்படத்தின் டீசர் அமைந்திருந்தது.
இந்த குறும்படத்திற்கு ஏ.ஆர்.ரகுமான் இசையமைத்து வருவதாக தகவல் வெளியான நிலையில், நடிகை திரிஷா அதனை உறுதிப்படுத்தி உள்ளார். இந்த தகவலை அவர் தனது இன்ஸ்டாகிராம் பக்கத்தில் பகிர்ந்துள்ளார். ஏ.ஆர்.ரகுமான் இதற்கான இசைக்கோர்ப்பு பணிகளை மேற்கொண்டு வருவதாகவும், அது முடிந்ததும் கார்த்திக் டயல் செய்த எண் குறும்படம் வெளியிடப்படும் என கூறப்படுகிறது.
Source: Malai Malar