மிஷ்கின் படத்தில் சிம்புவுக்கு என்ன கதாபாத்திரம் தெரியுமா?

வெங்கட் பிரபு இயக்கத்தில் மாநாடு படத்தில் நடித்து வந்தார் சிம்பு. ஐதராபாத்தில் நடைபெற்று வந்த படப்பிடிப்பு கொரோனாவினால் ஏற்பட்ட ஊரடங்கை தொடர்ந்து நிறுத்தப்பட்டது. இதனிடையில் மிஷ்கின் சொன்ன கதை பிடித்துப் போக, சிம்பு உடனடியாக நடிக்க சம்மதித்துள்ளார். பல வருடங்களாகவே மிஷ்கின் சிம்பு கூட்டணி தொடர்பாகப் பேச்சுவார்த்தை நடைபெற்று வந்த நிலையில், இம்முறை அது நிகழ்ந்துள்ளது. 

இந்நிலையில், இந்த கூட்டணியில் மற்றும் ஒரு ஆச்சரியமாக இணைந்துள்ளார் வடிவேலு. இப்படத்தில் சிம்பு ஒரு போலீஸ்காரராகவும், வடிவேலு ஒரு சந்தேகத்திற்குரிய மனிதனாக நடிப்பதாகவும் உறுதிப்படுத்தப்பட்டுள்ளது. சிம்பு வடிவேலு காம்பினே‌ஷன் காட்சிகள் மிகவும் உற்சாகமாக இருக்கும் என்று எதிர்பார்க்கப்படுகிறது.