Press "Enter" to skip to content

காட்மேன் வெப் தொடரின் தயாரிப்பாளர்-இயக்குனர் மீது வழக்கு…. சைபர் கிரைம் காவல் துறையினர் நடவடிக்கை

சர்ச்சைக்குரிய காட்மேன் வெப் தொடரின் தயாரிப்பாளர்-இயக்குனர் மீது சைபர் கிரைம் போலீசார் வழக்குப்பதிவு செய்துள்ளனர்.

‘காட்மேன்’ என்ற பெயரில் இணையதள தொடர் ஒன்று ஜூன் 12-ந் தேதி முதல் வெளியிடப்பட உள்ளதாக தனியார் தொலைக்காட்சி சார்பில் அறிவிப்பு வெளியிடப்பட்டது. அந்த தொடரின் டிரெய்லர் காட்சிகளும் வெளியானது. 

அந்த காட்சியில் ஒரு குறிப்பிட்ட சமுதாயத்தையும், இந்து மதத்தையும் இழிவுபடுத்தும் காட்சிகள் இடம் பெற்றுள்ளதாகவும், எனவே ‘காட்மேன்’ இணையதள தொடருக்கு தடை விதிக்க வேண்டும் என்றும், அந்த தொடரின் தயாரிப்பாளர் மற்றும் இயக்குனர் மீது சட்டபூர்வ நடவடிக்கை எடுக்க வேண்டும் என்றும் விசுவ இந்து பரி‌‌ஷத் (தமிழ்நாடு) உள்பட பல்வேறு அமைப்புகள் சார்பில் கண்டனம் தெரிவிக்கப்பட்டது. இது தொடர்பாக உரிய நடவடிக்கை எடுக்க வலியுறுத்தி சென்னை போலீஸ் கமி‌‌ஷனர் அலுவலகத்திலும் புகார் கொடுக்கப்பட்டது.

இந்த புகார் அடிப்படையில் சென்னை மத்திய குற்றப்பிரிவின் ‘சைபர் கிரைம்’ போலீசார் நேற்று வழக்குப்பதிவு செய்தனர். ‘காட்மேன்’ இணையதள தொடரின் தயாரிப்பாளர் இளங்கோவன், இயக்குனர் பாபு ஆகியோர் மீது 7 சட்டப்பிரிவுகளின் கீழ் வழக்கில் குற்றம் சுமத்தப்பட்டுள்ளது. வழக்கு விசாரணைக்கு ஆஜராக அவர்களுக்கு சம்மன் அனுப்பப்பட்டுள்ளதாக தெரிய வந்துள்ளது.

Related Tags :

Source: Malai Malar

More from திரையுலகம்More posts in திரையுலகம் »