Press "Enter" to skip to content

பிடித்த கதாநாயகன் துல்கர்…. படத்துக்கு படம் ஆச்சர்யப்படுத்துகிறார் – சுதா கொங்கரா

சூரரைப் போற்று படத்தின் இயக்குனர் சுதா கொங்கரா தனக்கு மிகவும் பிடித்த கதாநாயகன் துல்கர் சல்மான் என தெரிவித்துள்ளார்.

இயக்குனர் மணிரத்னத்திடம் உதவி இயக்குனராக பணியாற்றியவர் சுதா கொங்கரா. இவர் கடந்த 2010-ம் ஆண்டு வெளியான துரோகி படம் மூலம் இயக்குனராக அறிமுகமானார். பின்னர் 2016-ம் ஆண்டு இவர் இயக்கத்தில் வெளியான இறுதிச் சுற்று திரைப்படம் நல்ல வரவேற்பை பெற்றதோடு தேசிய விருது உள்பட பல்வேறு விருதுகளை வென்று குவித்தது.

இவர் இயக்கத்தில் சமீபத்தில் வெளியான சூரரைப்போற்று திரைப்படம் ரசிகர்களிடையே நல்ல வரவேற்பை பெற்று வருகிறது. இப்படத்தின் மூலம் அவர் தமிழ் திரைப்படத்தின் தவிர்க்க முடியாத இயக்குனராக உயர்ந்துள்ளார். 

இந்தநிலையில் சமீபத்தில் மலையாள ஊடகம் ஒன்றுக்கு பேட்டி அளித்த அவரிடம் தங்களுக்கு மிகவும் பிடித்த மலையாள நடிகர் யார் என கேள்வி எழுப்பப்பட்டது. அதற்கு பதிலளித்த அவர், மம்முட்டி, மோகன்லால் படங்களை தவறாமல் பார்ப்பேன் இருந்தாலும், துல்கர் சல்மான் படங்கள் எனக்கு ரொம்ப பிடிக்கும்.

ஒவ்வொரு படத்திலும் துல்கர் சல்மானின் நடிப்பும், அவரது கதைகளை தேர்ந்தெடுக்கும் விதமும் என்னை ஆச்சர்யப்படுத்துகிறது. அவர் நடித்து தோல்வியடைந்த படங்களை கவனித்தால் கூட, அதில் தன்னுடைய நூறு சதவீத பங்களிப்பை சரியாக கொடுத்திருப்பார் துல்கர் என சுதா கொங்கரா கூறியுள்ளார்.

Related Tags :

[embedded content]

Source: Malai Malar

More from திரையுலகம்More posts in திரையுலகம் »