Press "Enter" to skip to content

பிரபல நடிகரை நேரில் சந்தித்த கங்கனா ரனாவத்

பாலிவுட்டில் முன்னணி நடிகையாக இருக்கும் கங்கனா ரனாவத் பிரபல நடிகரை நேரில் சந்தித்து பேசி இருக்கிறார்.

பாலிவுட்டில் முன்னணி நடிகையாக இருப்பவர் கங்கனா ரனாவத். இவர் தமிழில் தற்போது தலைவி படத்தில் நடித்து வருகிறார். இப்படத்தின் படப்பிடிப்பு இறுதி கட்டத்தை நெருங்கி உள்ளது. 

இந்நிலையில் பிரபல நடிகர் சஞ்சய் தத்தை நேரில் சந்தித்து பேசியிருக்கிறார். பல வெற்றிப் படங்களில் நடித்துள்ள சஞ்சய் தத், சில மாதங்களுக்கு முன்பு நுரையீரல் புற்றுநோயால் பாதிக்கப்பட்டு சிகிச்சைகளை மேற்கொண்டார்.

சிகிச்சைகளுக்குப் பின் மீண்டும் படப்பிடிப்பில் கலந்து கொண்டு நடித்து வருகிறார். படப்பிடிப்புக்காக ஐதராபாத்திற்கு வந்து தங்கியுள்ளார் சஞ்சய் தத். அவர் தங்கியுள்ள அதே ஹோட்டலில் மற்றொரு படத்தின் படப்பிடிப்புக்காக கங்கனா ரனாவத்தும் தங்கியுள்ளார்.

சஞ்சய் தத் தான் தங்கியுள்ள ஹோட்டலிலேயே தங்கியிருப்பது தெரிந்ததும், அவரைச் சென்று சந்தித்திருக்கிறார் கங்கனா. இந்த சந்திப்பு குறித்து கங்கனா கூறும்போது, “இருவரும் ஐதராபாத்தில் ஒரே ஹோட்டலில் தங்கியிருக்கிறோம் என்று தெரிந்ததும் இன்று காலை சஞ்சு சாரைச் சென்று சந்தித்து அவரது உடல்நலம் பற்றி விசாரித்தேன். அவர் இன்னும் அழகாகவும், ஆரோக்கியமாகவும் இருப்பதைக் கண்டு ஆச்சரியப்பட்டேன். நீங்கள் நீண்ட காலம் ஆரோக்கியத்துடன் வாழ நாங்கள் பிரார்த்திக்கிறோம்,” என்று தெரிவித்துள்ளார்.

Related Tags :

[embedded content]

Source: Malai Malar

More from திரையுலகம்More posts in திரையுலகம் »