தமிழ் திரையுலகில் பிசியான நடிகராக வலம்வரும் சந்தானம், அடுத்ததாக தெலுங்கு பட மறுதயாரிப்பு ஒன்றில் நடிக்க உள்ளாராம்.
தமிழ் திரையுலகில் முன்னணி நகைச்சுவை நடிகராக வலம்வந்த சந்தானம், தற்போது படங்களில் கதாநாயகனாக நடித்து வருகிறார். இவர் கைவசம் டிக்கிலோனா, மன்னவன் வந்தானடி, சர்வர் சுந்தரம், பாரிஸ் ஜெயராஜ், சபாபதி என ஏராளமான படங்களை வைத்துள்ளார்.
இந்நிலையில், நடிகர் சந்தானம் அடுத்ததாக நடிக்க உள்ள புதிய படம் குறித்த தகவல் வெளியாகி உள்ளது. அதன்படி தெலுங்கில் கடந்த 2019-ம் ஆண்டு வெளியாகி மிகப்பெரிய வரவேற்பை பெற்ற ‘ஏஜெண்ட் சாய் ஸ்ரீநிவாச ஆத்ரியா’ படத்தின் தமிழ் மறுதயாரிப்புகில் தான் சந்தானம் நடிக்க உள்ளாராம்.
இப்படத்தின் ஆரம்பக்கட்ட பணிகள் விறுவிறுப்பாக நடைபெற்று வருகிறது. இதில் சந்தானத்துக்கு ஜோடியாக நடிகை ரியா சுமன் நடிக்க உள்ளதாக கூறப்படுகிறது. அதேபோல் வஞ்சகர் உலகம் படத்தை இயக்கிய மனோஜ் பீதா தான் இப்படத்தை இயக்க உள்ளாராம். இதுகுறித்த அறிவிப்பு விரைவில் வெளியாகும் என எதிர்பார்க்கப்படுகிறது.
[embedded content]
Source: Malai Malar
