Press "Enter" to skip to content

தளபதி 65 அப்டேட் – விஜய்க்கு ஜோடியாகும் ராஷ்மிகா மந்தனா?

நெல்சன் இயக்கத்தில் உருவாக உள்ள ‘தளபதி 65’ படத்தில் விஜய்க்கு ஜோடியாக நடிகை ராஷ்மிகா மந்தனா நடிக்க உள்ளதாக கூறப்படுகிறது.

கர்நாடகாவை சேர்ந்த ராஷ்மிகா மந்தனா கன்னட படமான கிரிக்பார்ட்டி மூலம் திரையுலகில் நடிகையாக அறிமுகமானார். அவர் தெலுங்கில் விஜய் தேவரகொண்டாவுடன் சேர்ந்து நடித்த கீதா கோவிந்தம், டியர் காம்ரேட் ஆகிய படங்கள் நல்ல வரவேற்பை பெற்றன. தெலுங்கு திரையுலகில் வேகமாக வளர்ந்து வருகிறார் ராஷ்மிகா. பாலிவுட்டிலும் நடித்து வருகிறார். 

அதேபோல், தமிழில் பாக்யராஜ் கண்ணன் இயக்கத்தில் கார்த்தி நடித்துள்ள ‘சுல்தான்’ படம் மூலம் அறிமுகமாகி உள்ளார். இப்படி பல்வேறு மொழி படங்களில் வேலையாக நடித்து வரும் ராஷ்மிகா, ஏராளமான நிகச்சிகளில் தனக்கு பிடித்த நடிகர் விஜய் என்றும் அவருக்கு ஜோடியாக நடிக்க வேண்டும் எனவும் தெரிவித்திருந்தார்.

ஆசிரியர் படத்தில் விஜய்க்கு ஜோடியாக நடிக்க தீவிர முயற்சி எடுத்தார். கடைசி நேரத்தில் அந்த வாய்ப்பு மாளவிகா மோகனன் வசம் சென்றது. 

இந்நிலையில், தற்போது நெல்சன் இயக்க உள்ள ‘தளபதி 65’ படத்தில் விஜய்க்கு ஜோடியாக நடிக்க ராஷ்மிகா ஒப்பந்தமாகி உள்ளதாக கூறப்படுகிறது. இந்த படத்தில் கதாநாயகியாக பூஜா ஹெக்டே நடிக்க உள்ளதாக சமீபத்தில் செய்திகள் வெளியாகின. ஆனால் தற்போது ராஷ்மிகாவை படக்குழுவினர் ஒப்பந்தம் செய்துள்ளதாக கூறப்படுகிறது.

விஜய்யின் ‘தளபதி 65’ படத்தில் நடிக்க வேண்டும் என்பதற்காக, நடிகை ராஷ்மிகா, ஒரு தெலுங்கு படத்தில் இருந்து வெளியேறி விட்டதாகவும், அதையடுத்து அந்த பட வாய்ப்பை பூஜா ஹெக்டே கைப்பற்றி விட்டதாகவும் தகவல் வெளியாகி உள்ளது.

Related Tags :

[embedded content]

Source: Malai Malar

More from திரையுலகம்More posts in திரையுலகம் »