கார்த்திக் சுப்புராஜ் இயக்கத்தில் தனுஷ் நடித்துள்ள ‘ஜகமே தந்திரம்’ படத்தின் டீசரைப் பார்த்த தனுஷ் ரசிகர்கள் அதிருப்தி அடைந்துள்ளார்களாம்.
கார்த்திக் சுப்புராஜ் இயக்கத்தில் தனுஷ் நடித்துள்ள படம் ‘ஜகமே தந்திரம்’. இப்படத்தை ஏற்கனவே ஓ.டி.டி.யில் வெளியிட முயற்சிகள் நடந்தன. அதற்கு எதிர்ப்பு தெரிவித்த தனுஷ், “திரையரங்கம் உரிமையாளர்கள், வினியோகஸ்தர்கள், திரைப்படம் ஆர்வலர்கள் மற்றும் எனது ரசிகர்களைப் போல நானும் ‘ஜகமே தந்திரம்’ திரையரங்கில் வெளியாகும் என்ற நம்பிக்கையுடன் உள்ளேன்’’ என்று டுவிட்டரில் பதிவிட்டு இருந்தார்.
தனுஷ் ரசிகர்களும் படத்தை ஓ.டி.டி.யில் வெளியிடுவதற்கு எதிர்ப்பு தெரிவித்து தமிழகம் முழுவதும் விளம்பர ஒட்டிகள் ஒட்டினர். இதையடுத்து ‘ஜகமே தந்திரம்’ படத்தை திரையரங்கம்களில் வெளியிட தயாரிப்பு நிறுவனம் முடிவு செய்ததாக கூறப்பட்டது.
ஆனால் அதே பட நிறுவனம் தயாரித்த ‘ஏலே’ படம் ஓ.டி.டி.யில் வெளியாவதால் அந்த படத்தை திரையரங்கம் அதிபர்கள் திரையிட மறுத்து விட்டனர். இந்த மோதல் போக்கினால் ‘ஜகமே தந்திரம்’ படத்தையும் ஓ.டி.டி. தளத்திலேயே வெளியிட தயாரிப்பு தரப்பில் முடிவு செய்துள்ளனர்.
இதனை உறுதிப்படுத்தும் வகையில் நேற்று ஜகமே தந்திரம் படத்தின் விளம்பரம் வெளியிடப்பட்டது. இந்த விளம்பரம் தனுஷ் ரசிகர்களிடையே அதிருப்தியை ஏற்படுத்தி உள்ளது. ஏனெனில் இந்த விளம்பரத்தில் நடிகர் தனுஷின் பெயர் குறிப்பிடப்படவில்லையாம். விளம்பரத்தில் தனுஷ் பெயரை குறிப்பிடாததற்கு தனுஷ் ரசிகர்கள் சமூக வலைதளங்களில் கண்டனம் தெரிவித்து வருகின்றனர்.
நடிகர் தனுஷும் தனது சமூக வலைதள பக்கங்களில் ஜகமே தந்திரம் படத்தின் டீசரை பகிரவில்லை என்பது குறிப்பிடத்தக்கது.
[embedded content]
Source: Malai Malar