அருண் மாதேஸ்வரன் இயக்கத்தில் தனுஷ் நடிக்கவிருக்கும் அடுத்த படத்தில் சூர்யா பட நடிகை இணையவுள்ளதாக கூறப்படுகிறது.
தனுஷ் நடிப்பில் வெளியான மாறன் படத்தை தொடர்ந்து, இயக்குனர் செல்வராகவன் இயக்கும் ‘நானே வருவேன்’ படத்தில் தனுஷ் நடித்து முடித்துள்ளார். தற்போது தெலுங்கு இயக்குனர் வெங்கி அட்லூரி இயக்கும் ‘வாத்தி’ படத்தில் தனுஷ் நடித்து வருகிறார். இவருக்கு ஜோடியாக சம்யுக்தா மேனன் நடிக்கிறார். இதற்கிடையில் அருண் மாதேஸ்வரன் இயக்கும் படத்தில் தனுஷ் நடிக்கவுள்ளார். இப்படத்தை ‘சத்யா ஜோதி ஃபிலிம்ஸ்’ சார்பாக தியாகராஜன் தயாரிக்கிறார். டார்க் நகைச்சுவை ஜானரில் உருவாகவுள்ள இப்படத்திற்கு ‘கேப்டன் மில்லர்’ என பெயரிடப்பட்டுள்ளது.
பிரியங்கா மோகன்
இந்நிலையில் ‘கேப்டன் மில்லர்’ படத்தில் கதாநாயகி குறித்த தகவல் வெளியாகி உள்ளது. இப்படத்தில் தனுஷுக்கு ஜோடியாக மருத்துவர், எதற்கும் துணிந்தவன், டான் படங்களில் நடித்த பிரியங்கா மோகன் நடிக்கவுள்ளதாக கூறப்படுகிறது. இதற்காக பிரியங்கா மோகனிடம் படக்குழு பேச்சுவார்த்தை நடத்தி வருவதாகவும் விரைவில் இது குறித்த அறிவிப்பு வெளியாகும் எனவும் திரைப்படம் வட்டாரங்கள் தெரிவிக்கின்றன.
[embedded content]
Source: Malai Malar
