ஜெகன் மோகன் ரெட்டிக்கு குடும்பத்தில் இருந்தே புதிய சிக்கல்.. கோர்ட் படி ஏறிய தங்கை.. கொலை வழக்கு!

இந்த படுகொலை குழுத்து விசாரிக்க கூடுதல் டிஜிபி அமித்கான் தலைமையில் சிறப்பு புலனாய்வு குழுவை அன்றைக்கு ஆட்சியில் இருந்து சந்திராபு நாயுடு தலைமையிலான ஆந்திர அரசு நியமித்து இருந்தது.அப்போது பேசிய ஜெகன் மோகன் ரெட்டி இந்த வழக்கில் சிபிஐ விசாரணை நடத்த வேண்டும் என்றும் தெலுங்கு தேசம் ஆட்சியில் இருப்பதால் போலீஸ் விசாரணையில் தனக்கு நம்பிக்கை இல்லை என்றும், தெலுங்கு தேசம் கட்சியினர் மீது இந்த கொலையில் சந்தேகம் இருப்பதாகவும் தெரிவித்தார்.

இந்நிலையில் ஜெகன் மோகன் ரெட்டி ஆந்திர முதல்ராகி கிட்டத்தட்ட 7 மாதங்கள் ஆகிவிட்டது. இரண்டாவது முறையாக ஜெகனே சிறப்பு விசாரணை குழுவும் அமைத்தார். ஆனால் விசாரணையில் எந்த முன்னேற்றமும் இல்லை. இதனால் அதிருப்தி அடைந்த அவரது தங்கை சுனிதா ரெட்டி நீதிமன்றத்தை நாடியுள்ளார். இது ஜெகன் மோகன் ரெட்டிக்கு தர்ம சங்கடத்தை ஏற்படுத்தி உள்ளது.

விவேகானந்தா ரெட்டியின் மகள் சுனிதா ரெட்டி தனது தந்தையின் மரணம் நீதிமன்றத்தை நாடுவது ஏன் என்பது குறித்து செய்தியாளர்களை சந்தித்து விளக்கம் அளித்தார். அப்போது ஆவேசத்துடன் பேசிய அவர், எதிர்க்கட்சியினர் மட்டுமில்லாமல் தனது குடும்ப உறுப்பினர்களை கூட விட்டுவைக்கவில்லை, பலர் மீதும் சந்தேகம் தெரிவித்தார்.

சிபிஐ விசாரித்தால் தான் உண்மை வரும் என்று சொன்ன ஜெகன் மோகன் ரெட்டி, ஏன் ஆட்சிக்கு வந்த உடன் இந்த வழக்கை சிபிஐ வசம் ஒப்படைக்கவில்லை என்றும் சுனிதா கேள்வி எழுப்பினார். அத்துடன் தனது தந்தை மரணம் குறீத்து இரண்டாவது எஸ்.ஐ.டி ஏன் அமைக்கப்பட்டது என்றும இப்போது கூடுதல் போலீஸ் டிஜிபிக்கு பதிலாக காவல்துறை கண்காணிப்பாளரால் ஏன் விசாரணை நடத்தப்படுகிறது என்றும் கேள்வி எழுப்பினார். இதனால் ஆந்திராவில் பரபரப்பு ஏற்பட்டுள்ளது.