Press "Enter" to skip to content

அமெரிக்காவில் அடங்காத கொரோனா – பாதிப்பு எண்ணிக்கை 26 லட்சத்தை கடந்தது

அமெரிக்காவில் கொரோனா வைரஸ் தொற்றால் பாதிப்பு அடைந்தோர் எண்ணிக்கை 26 லட்சத்தைக் கடந்துள்ளது.

வாஷிங்டன்:

கொரோனா வைரசின் தாக்கம் நாளுக்கு நாள் அதிகரித்து வருகிறது. உலகம் முழுவதும் கொரோனா வைரசால் பாதிப்பு அடைந்தோர் எண்ணிக்கை ஒரு கோடியைத் தாண்டியுள்ளது. வைரஸ் தொற்றுக்கு பலியானோர் எண்ணிக்கை 5 லட்சத்தைக் கடந்துள்ளது.

உலகை அச்சுறுத்தும் கொரோனா வைரஸ் அமெரிக்காவில் கோரத் தாண்டவம் ஆடி வருகிறது. கொரோனாவால் அதிகம் பாதிக்கப்பட்ட நாடுகள் வரிசையில் அமெரிக்கா முதல் இடத்தில் உள்ளது.   

இந்நிலையில், அமெரிக்காவில் கொரோனா வைரசால் பாதிப்பு அடைந்தோர் எண்ணிக்கை 26 லட்சத்தைத் தாண்டியுள்ளது.

கடந்த சில நாட்களாக சுமார் 25 ஆயிரம் முதல் 40 ஆயிரம் பேருக்கு கொரோனா தொற்று உறுதிசெய்யப்பட்டு வருவது அங்கு கொரோனா வைரஸ் தாக்கத்தை வெளிப்படுத்துவதாக உள்ளது. 

மேலும், கொரோனா வைரசுக்கு பலியானோர் எண்ணிக்கை 1.28 லட்சத்தைத் தாண்டியுள்ளது. மேலும், கொரோனா தொற்றில் இருந்து மீண்டவர்கள் எண்ணிக்கை 10.90 லட்சத்தைக் கடந்துள்ளது .

Related Tags :

Source: Maalaimalar

More from செய்திகள்More posts in செய்திகள் »