பந்து வீச்சாளர்கள் அட்டகாசமாக பந்து வீச, மும்பை இந்தியன்ஸ் அணியை 136 ஓட்டத்தில் சுருட்டி 6-வது வெற்றியை ருசித்தது சென்னை சூப்பர் கிங்ஸ்.
ஐ.பி.எல். போட்டியில் சென்னை சூப்பர் கிங்ஸ்- மும்பை இந்தியன்ஸ் அணிகளுக்கு இடையிலான போட்டி இன்று நடைபெற்றது. முதலில் மட்டையாட்டம் செய்த சி.எஸ்.கே. 20 சுற்றில் 6 மட்டையிலக்கு இழப்பிற்கு 156 ஓட்டங்கள் சேர்த்தது. தொடக்க வீரர் ருதுராஜ் கெய்க்வாட் ஆட்டமிழக்காமல் 58 பந்தில் 88 ஓட்டங்கள் விளாசினார்.
பின்னர் 157 ஓட்டங்கள் அடித்தால் வெற்றி என்ற இலக்குடன் மும்பை இந்தியன்ஸ் அணி களம் இறங்கியது. தொடக்க வீரர்கள் குயின்டான் டி காக் 17 ரன்னிலும், அன்மோல்ப்ரீத் சிங் 16 ரன்னிலும் வெளியேறினார். அடுத்து வந்த சூர்யகுமார் யாதவ் 3 ரன்னிலும், இஷான் கிஷன் 11 ரன்னிலும் வெளியேறினர்.
இதனால் மும்பை இந்தியன்ஸ் 58 ரன்னுக்குள் 4 மட்டையிலக்குடை இழந்தது. கேப்டன் பொல்லார்ட் 15 ஓட்டத்தில் வெளியேற சென்னை சூப்பர் கிங்ஸ் அணியின் வெற்றி உறுதியானது.
சவுரப் திவாரி கடைசி வரை அணியின் வெற்றிக்காக போராடினார். 18 ஓவர் முடிவில் மும்பை இந்தியன்ஸ் 6 மட்டையிலக்கு இழப்பிற்கு 118 ஓட்டங்கள் எடுத்திருந்தது. கடைசி இரண்டு சுற்றில் 39 ஓட்டங்கள் தேவைப்பட்டது.
19-வது ஓவரை சர்துல் தாக்குர் வீசினார். இந்த சுற்றில் ஒரு பவுண்டரி, ஒரு சிக்சருடன் 15 அடித்தது மும்பை இந்தியன்ஸ். இதனால் கடைசி சுற்றில் 24 ஓட்டங்கள் தேவைப்பட்டது.
கடைசி ஓவரை பிராவோ வீசினார். இந்த சுற்றில் 3 ஓட்டங்கள் விட்டுக்கொடுத்து 2 மட்டையிலக்கு வீழ்த்தினார். இதனால் மும்பை அணியால் 20 சுற்றில் 8 மட்டையிலக்கு இழப்பிற்கு 136 ஓட்டங்கள் மட்டுமே அடிக்க முடிந்தது. ஆகவே, சென்னை சூப்பர் கிங்ஸ் 20 ஓட்டத்தை வித்தியாசத்தில் வெற்றி பெற்றது. இந்த வெற்றி மூலம் ஐபிஎல் தொடரில் 8 போட்டிகளில் விளையாடி 6-ல் வெற்றி பெற்றுள்ளது சென்னை சூப்பர் கிங்ஸ்.
சவுரப் திவாரி 40 பந்தில் 50 ஓட்டங்கள் எடுத்து ஆட்டமிழக்காமல் இருந்தார்.
Related Tags :
[embedded content]
Source: Maalaimalar
