Press "Enter" to skip to content

‘விஜய் 67’ படத் தலைப்பு வெள்ளிக்கிழமை வெளியீடு

லோகேஷ் கனகராஜ் இயக்கத்தில் விஜய் நடிக்கும் ‘விஜய்67’ படத்தின் தலைப்பு நாளை (வெள்ளிக்கிழமை) வெளியாகும் என அதிகாரபூர்வமாக அறிவிக்கப்பட்டுள்ளது.

‘வாரிசு’ படத்தைத் தொடர்ந்து நடிகர் விஜய் நடிக்கும் புதிய படத்தை லோகேஷ் கனகராஜ் இயக்குகிறார். படப்பிடிப்பு பணிகள் கடந்த ஜனவரி 2-ம் தேதி துவங்கியது. இந்தப் படத்தில் த்ரிஷா, மன்சூர் அலிகான், இயக்குநர் மிஷ்கின், நடன இயக்குநர் சாண்டி, நடிகை ப்ரியா ஆனந்த், நடிகர் அர்ஜுன், இயக்குநர் கவுதம் வாசுதேவ் மேனன், மலையாள திரைப்படம் நடிகர் மேத்யூ தாமஸ், சஞ்சய் தத் ஆகியோர் நடிக்கின்றனர்.

படத்திற்கான இசையை அனிருத் அமைக்கிறார். இந்தப் படத்தின் கணினி மயமான உரிமத்தை நெட்ஃப்ளிக்ஸ் நிறுவனமும், செயற்கைக்கோள் உரிமத்தை சன் டிவியும் பெற்றுள்ளது. இந்நிலையில், படத்தின் தலைப்பு நாளை மாலை 5 மணி அளவில் வெளியாகும் என தயாரிப்பு நிறுவனம் அறிவித்துள்ளது. ப்ரோமோ காணொளிவும் நாளை வெளியாகும் எனவும் கூறப்படுகிறது.

Source: Hindu

More from செய்திகள்More posts in செய்திகள் »