ஆக்லாந்தில் நடைபெற்ற முதல் டி20 கிரிக்கெட் போட்டியில் டக்வொர்த் லீவிஸ் விதியின் அடிப்படையில் 5 மட்டையிலக்கு வித்தியாசத்தில் வெஸ்ட் இண்டீஸை வீழ்த்தியது நியூசிலாந்து.
நியூசிலாந்து – வெஸ்ட் இண்டீஸ் இடையிலான மூன்று போட்டிகள் கொண்ட டி20 தொடரின் முதல் ஆட்டம் ஆக்லாந்தில் இன்று நடைபெற்றது.
டாஸ் வென்ற நியூசிலாந்து பந்து வீச்சை தேர்வு செய்தது. அதன்படி வெஸ்ட் இண்டீஸ் அணி முதலில் களம் இறங்கியது. மழைக்காரணமாக ஆட்டம் 16 ஓவர்களாக குறைக்கப்பட்டது. தொடக்க வீரர் பிளெட்சர் அதிரடியாக விளையாடி 14 பந்தில் 34 ஓட்டங்கள் விளாசினார். அதன்பின் வந்த ஹெட்மையர் (0), பூரன் (1), பொவோல் (0) சொற்ப ஓட்டங்களில் வெளியேறினார்.
அடுத்த வந்த பொல்லார்ட் ஆட்டமிழக்காமல் 37 பந்தில் 4 பவுண்டரி, 8 சிக்சருடன் 75 ஓட்டங்கள் விளாச வெஸ்ட் இண்டீஸ் 16 சுற்றில் 7 மட்டையிலக்கு இழப்பிற்கு 180 ஓட்டங்கள் குவித்தது. பின்னர் 181 ஓட்டங்கள் அடித்தால் வெற்றி என்ற இலக்குடன் நியூசிலாந்து களம் இறங்கியது. மார்ட்டின் கப்தில் 5 ரன்னிலும், ஷெய்பெர்ட் 17 ரன்னிலும் வெளியேறினர். அதன்பின் வந்த கான்வே 29 பந்தில் 41 ஓட்டங்கள் விளாசினார்.
கான்வே ஆட்டமிழக்கும்போது நியூசிலாந்து 12.2 சுற்றில் 140 ஓட்டங்கள் எடுத்திருந்தது. கடைசி 22 பந்தில் 41 ஓட்டங்கள் தேவைப்பட்டது. நீஷம், சான்ட்னெர் அதிரடியாக விளையாடினர். 15.2 சுற்றில் 5 மட்டையிலக்கு இழப்பிற்கு 179 ஓட்டங்கள் எடுத்திருக்கும்போது மழை பெய்தது. இதனால் டக்வொர்த் லீவிஸ் விதியின்படி நியூசிலாந்து 5 மட்டையிலக்கு வித்தியாசத்தில் வெற்றி பெற்றது.
Related Tags :
[embedded content]
Source: Maalaimalar
