நடிகர் உதயநிதி ஸ்டாலினின் மனைவியும், இயக்குனருமான கிருத்திகா அடுத்ததாக இயக்க உள்ள திரைப்படம் குறித்த அறிவிப்பு வெளியாகி உள்ளது.
உதயநிதி ஸ்டாலினின் மனைவி கிருத்திகா கடந்த 2013ம் ஆண்டு வெளியான ‛வணக்கம் சென்னை’ படத்தின் மூலம் இயக்குனராக அறிமுகமானார். இதனை அடுத்து அவர் விஜய் ஆண்டனி நடித்த ’காளி’ என்ற திரைப்படத்தை இயக்கினார். தற்போது அவர் தனது மூன்றாவது படத்தை இயக்க தயாராகி வருகிறார்.
இந்நிலையில், இப்படத்தில் நடிகர் காளிதாஸ் கதாநாயகனாக நடிக்க உள்ளதாக அதிகாரப்பூர்வ அறிவிப்பு வெளியாகி உள்ளது. மேலும் அவருக்கு ஜோடியாக நடிகை தன்யா நடிக்க உள்ளார். இவர் விஜய்சேதுபதியின் கருப்பன் படத்தில் நடித்து பிரபலமானவர்.
காளிதாஸ் ஜெயராம், தன்யா
இப்படத்திற்கு ரிச்சர்ட் எம் நாதன் ஒளிப்பதிவு செய்ய உள்ளார். இப்படத்தை ரைஸ் ஈஸ்ட் கிரியேசன் நிறுவனம் தயாரிக்கவுள்ளது குறிப்பிடத்தக்கது. கொரோனா ஊரடங்கு முடிவுக்கு வந்தபின் இப்படத்தின் படப்பிடிப்பு தொடங்கும் என எதிர்பார்க்கப்படுகிறது.
[embedded content]
Source: Malai Malar
