மிஷ்கின் படத்தில் இணைந்த நமீதா

மிஷ்கின் இயக்கத்தில் கடந்த 2014-ம் ஆண்டு வெளிவந்து வெற்றிகரமாக ஓடிய பேய் படம், ‘பிசாசு.’ அந்த படத்துக்கு கிடைத்த வரவேற்பை தொடர்ந்து, ‘பிசாசு’ படத்தின் இரண்டாம் பாகம் தற்போது தயாராகிறது. இந்த படத்தையும் மிஷ்கினே இயக்குகிறார். நடிகை ஆண்ட்ரியா முதன்மை கதாபாத்திரத்தில் நடிக்கும் இப்படத்தில், நடிகர் விஜய் சேதுபதி, கவுரவ வேடத்தில் நடித்துள்ளார். கார்த்திக் ராஜா இப்படத்திற்கு இசையமைக்கிறார்.

நமீதா கிருஷ்ணமூர்த்தி, பிசாசு 2 படத்தின் விளம்பர ஒட்டி

இந்நிலையில், சமீபத்தில் தமன்னா நடிப்பில் வெளியான ‘நவம்பர் ஸ்டோரிஸ்’ வெப் தொடரில் நடித்து பிரபலமான நடிகை நமீதா கிருஷ்ணமூர்த்தி ‘பிசாசு 2’ படத்தில் முக்கிய கதாபாத்திரத்தில் நடிக்க ஒப்பந்தமாகி உள்ளார். கொரோனா அச்சுறுத்தல் காரணமாக நிறுத்தி வைக்கப்பட்டுள்ள இப்படத்தின் படத்தின் படப்பிடிப்பு, விரைவில் மீண்டும் தொடங்க உள்ளது.

[embedded content]