ஜீத்து ஜோசப் இயக்கத்தில் மோகன்லால், மீனா நடிப்பில் 2013-ம் ஆண்டு வெளியான படம் ‘த்ரிஷ்யம்’. மலையாளத்தில் வரவேற்பைப் பெற்ற இந்தப்படம் தமிழ், தெலுங்கு, கன்னடம், இந்தி, சிங்களம் உள்ளிட்ட மொழிகளில் மறுதயாரிப்பு செய்யப்பட்டது.
சீன மொழியில் மறுதயாரிப்பு செய்யப்பட்ட முதல் இந்தியப் படம் இது என்பது குறிப்பிடத்தக்கது. இதன் இரண்டாம் பாகமும் வரவேற்பைப் பெற்றது
இந்நிலையில் ‘த்ரிஷ்யம்’ மற்றும் ‘த்ரிஷ்யம் 2’ படங்கள் இப்போது ஹாலிவுட்டில் மறுதயாரிப்பு செய்யப்பட இருக்கிறது. பனோரமா ஸ்டூடியோஸ் இன்டர்நேஷனல் லிமிமெட் நிறுவனம், இந்திய மொழிகள் அல்லாத பிற மொழிகளில் இதை மறுதயாரிப்பு செய்வதற்கான உரிமையை பெற்றுள்ளது.
ஆங்கிலம், கொரியா உட்பட பல்வேறு மொழிகளில் இந்தப் படம் மறுதயாரிப்பு செய்யப்பட இருப்பதாகக் கூறப்படுகிறது.
Source: Hindu
