Samayam Tamil | Updated:
தர்பார் படத்தால் லைகா நிறுவனத்திற்கு நஷ்டம் என்று செய்திகள் வெளியாகியுள்ளன.
தர்பார்
ஏ. ஆர். முருகதாஸ் இயக்கத்தில் ரஜினிகாந்த் மும்பை போலீஸ் கமிஷனர் ஆதித்யா அருணாச்சலமாக நடித்த தர்பார் படம் பொங்கல் ஸ்பெஷலாக கடந்த 9ம் தேதி வெளியானது. படத்தை பார்த்தவர்கள் ரஜினி ஸ்டைலாக இருக்கிறார், மற்றபடி படத்தில் ஒன்னும் இல்லை. ரமணா படத்தை எடுத்த முருகதாஸ் தானா தர்பாரை இயக்கினார். ஏன் அவருக்கு என்னாச்சு என்றார்கள்.
வசூல்
தர்பார் படம் தமிழகத்தில் ரூ. 50 கோடியும், கேரளாவில் ரூ. 5 கோடியும், கர்நாடகாவில் ரூ. 7 கோடியும், ஆந்திரா மற்றும் தெலுங்கானாவில் ரூ. 15 கோடியும் வசூல் செய்துள்ளது என்று தகவல் வெளியாகியுள்ளது. பிற மாநிலங்களில் ரூ. 5 கோடியும், வெளிநாடுகளில் ரூ. 33 கோடியும் வசூல் செய்துள்ளதாம். ரூ. 220 கோடி பட்ஜெட்டில் எடுத்து கோடிக் கணக்கில் செலவு செய்து விளம்பரம் செய்த படம் டிஜிட்டல், சாட்டிலைட் உள்ளிட்ட உரிமங்கள், தியேட்டர் வசூல் ஆகியவற்றை சேர்த்து ரூ. 192 கோடி வசூலித்துள்ளது.
நஷ்டம்
தர்பார் படத்தால் அதை பெரும் நம்பிக்கையுடன் தயாரித்த லைகா நிறுவனத்திற்கு நஷ்டம் என்று கூறப்படுகிறது. இதற்கிடையே ரஜினி ரசிகர்களோ தர்பார் பிளாக்பஸ்டர் என்று பெருமையாக பேசிக் கொண்டிருக்கிறார்கள். டீஸர், ட்ரெய்லரை பார்த்துவிட்டு தியேட்டருக்கு சென்றவர்கள் படம் இருக்கு, ரஜினி இருக்கார், கதை எங்கய்யா என்று கேள்வி எழுப்பினார்கள் என்பது குறிப்பிடத்தக்கது.
முருகதாஸ்
தர்பார் படத்தை எடுத்ததால் முருகதாஸ் மீது அவரின் ரசிகர்கள் கடும் அதிருப்தியில் உள்ளனர். நீங்கள் ரஜினியின் தீவிர ரசிகனாக இருக்கலாம், தப்பில்லை. ஆனால் அதற்காக இந்த அளவுக்கு இறங்கி வந்து பெயரை கெடுத்துக் கொள்ள வேண்டுமா என்று கூறி கவலைப்படுகிறார்கள். தர்பார் அதிர்ச்சியில் இருந்து அவர்கள் இன்னும் மீண்டு வரவில்லை.
Source: samayam
