Samayam Tamil | Updated:
அமலா பால், ஏ.எல். விஜய் பிரிய தனுஷ் தான் காரணம் என்று தயாரிப்பாளர் ஏ.எல். அழகப்பன் தெரிவித்துள்ளார்.
அமலா பால், விஜய்
தெய்வ திருமகள் படத்தில் நடித்தபோது இயக்குநர் ஏ.எல். விஜய், அமலா பால் இடையே காதல் ஏற்பட்டு திருமணம் செய்து கொண்டார்கள். முதலில் இந்த திருமணத்திற்கு இருவீட்டாரும் எதிர்ப்பு தெரிவித்தார்கள், பின்னர் ஒப்புக் கொண்டனர். ஆனால் திருமணமான வேகத்தில் விஜய், அமலா பால் பிரிந்துவிட்டார்கள். இந்நிலையில் விஜய்யின் தந்தையும், தயாரிப்பாளருமான ஏ.எல். அழகப்பன் அது குறித்து பேட்டி அளித்துள்ளார்.
தனுஷ்
திருமணத்திற்கு பிறகு படங்களில் நடிக்க வேண்டாம் என்று தான் அமலா பால் முடிவு செய்திருந்தார். ஆனால் தனுஷ் தான் தயாரித்த அம்மா கணக்கு படத்தில் அவரை நடிக்க வைத்தார். அதன் பிறகே அமலா மீண்டும் படங்களில் நடிக்கத் துவங்கினார். இது தான் விஜய், அமலா பால் பிரிய முக்கிய காரணம் என்று அழகப்பன் தெரிவித்துள்ளார்.
அழகப்பன்
விஜய், அமலா பால் பிரிய தனுஷ் காரணம் என்று முன்னதாக கோலிவுட்டில் கிசுகிசுக்கப்பட்டது. இந்நிலையில் தான் அழகப்பன் இப்படி பேட்டி கொடுத்துள்ளார். ரஜினி மருமகன் மீது அவர் புகார் தெரிவித்துள்ளது கோடம்பாக்கத்தில் பரபரப்பை ஏற்படுத்தியுள்ளது. கணவரை பிரிந்த பிறகு அமலா பால் தொடர்ந்து படங்களில் நடித்து வருகிறார். கடந்த மாதம் தான் அவரின் தந்தை மரணம் அடைந்தார்.
தலைவி
ஏ.எல். விஜய் ஐஸ்வர்யா என்கிற டாக்டரை கடந்த ஆண்டு மறுமணம் செய்து கொண்டார். விஜய் தற்போது மறைந்த முன்னாள் முதல்வர் ஜெயலலிதாவின் வாழ்க்கை வரலாற்றை தலைவி என்கிற பெயரில் படமாக எடுத்துக் கொண்டிருக்கிறார். அந்த படத்தில் பாலிவுட் நடிகை கங்கனா ரனாவத் ஜெயலலிதாவாகவும், அரவிந்த்சாமி எம்.ஜி.ஆர். ஆகவும் நடித்து வருகிறார்கள். அரவிந்த்சாமி அச்சு அசலாக எம்.ஜி.ஆர். போன்றே இருக்கிறார் என்பது குறிப்பிடத்தக்கது.
(Tamil News from Samayam Tamil , TIL Network)
Source: samayam
