தமிழ் சினிமாவில் முன்னணி நடிகராக வலம் வரும் விஜய் விநியோகஸ்தருக்கு கைகொடுக்க புதிய ஒப்பந்தம் செய்திருப்பதாக தகவல் வெளியாகி உள்ளது.
லோகேஷ் கனகராஜ் இயக்கத்தில் விஜய் – விஜய் சேதுபதி இணைந்து நடித்திருக்கும் படம் மாஸ்டர். இப்படத்தை இணையதளத்தில் வெளியிட பிரபல ஓடிடி நிறுவனம் பேச்சுவார்த்தை நடத்திய நிலையில், நடிகர் விஜய் கேட்டுக் கொண்டதால் படத்தை திரையரங்கில் வெளியிட படக்குழு முடிவு செய்துள்ளதாக தகவல் வெளியாகி இருக்கிறது.
மாஸ்டர் படத்திற்கான திரையரங்கு உரிமையை 7 ஸ்கிரீன் ஸ்டூடியோ நிறுவனம் சார்பாக லலித் கைப்பற்றியிருக்கிறார். கொரோனா ஊரடங்கால் படத்தின் ரிலீஸ் தள்ளிப்போனதால் வாங்கிய கடனுக்கு வட்டி கட்ட வேண்டிய சூழலுக்கு தள்ளப்பட்டிருக்கிறார். இதனை கருத்தில் கொண்டு நடிகர் விஜய், அவரது தயாரிப்பில் ஒரு படம் நடிக்க ஒப்பந்தம் செய்திருப்பதாக தகவல் வெளியாகி உள்ளது.
விஜய்யின் இந்த முடிவுக்கு பலரும் பாராட்டு தெரிவித்து வருகிறார்கள். படம் 2020 தீபாவளிக்கு பிரம்மாண்டமாக வெளியாகும் என்று எதிர்பார்க்கப்படுகிறது.
Source: Malai Malar
