தமிழில் முன்னணி நகைச்சுவை நடிகராக இருக்கும் வடிவேலு, மீண்டும் அரசியலில் ஈடுபடுவதாக வந்த செய்தி புரளி என்று அவர் தரப்பில் கூறப்பட்டுள்ளது.
தமிழ் திரைப்படம் ரசிகர்களிடையே அதிக தாக்கத்தை ஏற்படுத்தியவர் நடிகர் வடிவேலு. ஒரு சமயத்தில் இவர் இல்லாத படங்களே இல்லை என்று சொல்லலாம். அந்தளவிற்கு பல படங்களில் வேலையாக நடித்து வந்தார். தனக்கென தனி ரசிகர்கள் பட்டாளத்தையே உருவாக்கி இருக்கிறார். சில ஆண்டுகளாக இவர் படங்களில் நடிக்காமல் இருக்கிறார். இருப்பினும் சமூக வலைத்தளங்களில் மீம்ஸ் கிரியேட்டர்களுக்கு பெரும் உதவியாக இருந்து வருகிறார்.
இந்நிலையில், வடிவேலு பாஜக கட்சியில் இணைய இருப்பதாக தகவல்கள் வெளியானது. சமீபகாலமாக தமிழ் திரைப்படம் நட்சத்திரங்களான கங்கை அமரன், ராதாரவி, நமீதா, காயத்ரி ரகுராம், குஷ்பு உள்ளிட்டோர் தேசிய கட்சியான பாஜகவில் இணைந்து இருக்கின்றனர். இதனால், வடிவேலுவும் இணைந்திருப்பதாக செய்திகள் வெளியானது.
இது தொடர்பாக, வடிவேலு தரப்பில் விசாரித்த போது, அரசியலா, கட்சியா அதெல்லாம் இல்லை. அது எல்லாம் புரளி என்று கூறியிருக்கிறார்.
[embedded content]
Source: Malai Malar