நடிகர் சத்யராஜின் மகனும் நடிகருமான சிபிராஜ் நடிப்பில் உருவாகி இருக்கும் புதிய படத்திற்கு பிரபல இசையமைப்பாளரான ஏ.ஆர்.ரகுமான் உதவ இருக்கிறார்.
சிபிராஜ் நடிப்பில் தற்போது ‘கபடதாரி’ என்ற திரைப்படம் உருவாகி வருகிறது. கன்னடத்தில் வெளியான ‘காவலுதாரி’ என்ற படத்தின் தமிழ் மறுதயாரிப்புகாக இப்படம் உருவாகி வருகிறது. கிரியேட்டிவ் என்டர்டெயினர்ஸ் அண்ட் டிஸ்டிபியூட்டர்ஸ் சார்பில் லலிதா தனஞ்செயன் இத்திரைப்படத்தை தயாரிக்கிறார். சிபிராஜ் நாயகனாக நடிக்க நந்திதா ஸ்வேதா நாயகியாக நடிக்கிறார்.
மேலும், நாசர், ஜெயப்பிரகாஷ், ஜே.சதீஷ் குமார் முக்கிய பாத்திரங்களில் நடிக்கிறார்கள். ஜான் மகேந்திரனுடன் இணைந்து தனஞ்செயன் திரைக்கதை மற்றும் வசனத்தை எழுதியுள்ளார். கொரோனா ஊரடங்கு உத்தரவால் திரைப்படம் படப்பிடிப்புகள் மற்றும் பின்னணி வேலைகள் நடைபெறாமல் இருந்தது. தற்போது பின்னணி வேலைகளுக்கு அரசு தளர்வு அளிக்கப்பட்டதால் கபடதாரி படத்தின் பின்னணி வேலைகள் முடிந்து தற்போது வெளியீட்டிற்கு தயாராகி வருகிறது.
இந்நிலையில், இப்படத்தின் டீசரை இசையமைப்பாளர் ஏ.ஆர்.ரகுமான் நாளை (நவம்பர் 13) மாலை 5 மணிக்கு வெளியிட இருக்கிறார்.
[embedded content]
Source: Malai Malar