கமலின் பிளாக்பஸ்டர் ஹிட் படத்தை மறுதயாரிப்பு செய்ய விரும்பும் கார்த்திக் நரேன்

‘துருவங்கள் பதினாறு’ படத்தின் மூலம் இயக்குனராக அறிமுகமானவர் கார்த்திக் நரேன். இதையடுத்து அவர் இயக்கிய ‘நரகாசூரன்’ படம் சில காரணங்களால் ரிலீசாகவில்லை. பின்னர் அருண்விஜய் நடித்த ‘மாஃபியா’ படத்தை இயக்கினார். தற்போது தனுஷின் 43-வது படத்தை இயக்கி வருகிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது. 

இந்நிலையில், சமீபத்தில் இன்ஸ்டாகிராம் வாயிலாக இயக்குனர் கார்த்திக் நரேன் ரசிகர்களுடன் கலந்துரையாடினார். அப்போது ரசிகர் ஒருவர், “ஒரு படத்தை மறுதயாரிப்பு செய்யும் வாய்ப்பு கிடைத்தால் எந்த படத்தை மறுதயாரிப்பு செய்வீர்கள் என கேட்டிருந்தார். 

இதற்கு பதிலளித்த கார்த்திக் நரேன், பாரதிராஜா இயக்கத்தில் கமல் நடித்து பிளாக்பஸ்டர் ஹிட்டான ‘சிகப்பு ரோஜாக்கள்’ படத்தை மறுதயாரிப்பு செய்ய விரும்புவதாக தெரிவித்துள்ளார்.

[embedded content]