‘திரிஷ்யம்-2 ’ திரைப்படம் மலையாளத்தில் கடந்த மாதம் வெளியாகி மிகப்பெரிய வரவேற்பை பெற்றதை அடுத்து, அதனை பிற மொழிகளிலும் மறுதயாரிப்பு செய்கின்றனர்.
மலையாள சூப்பர் ஹிட் திரைப்படமான ‘திரிஷ்யம்’-ன் இரண்டாம் பாகமான ‘திரிஷ்யம்-2 ’ கடந்த மாதம் வெளியாகி மிகப்பெரிய வரவேற்பை பெற்றது. திரிஷ்யம் 2-ம் பாகத்தை பிற மொழிகளிலும் மறுதயாரிப்பு செய்கின்றனர். அதன்படி ‘திரிஷ்யம் 2’ தற்போது தெலுங்கில் மறுதயாரிப்பு ஆகிறது.
முதல் பாகத்தில் நடித்த வெங்கடேஷ், மீனா, நதியா ஆகியோர் இரண்டாம் பாகத்திலும் நடிக்கின்றனர். இப்படத்தை ஜீத்து ஜோசப் இயக்கி வருகிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது.
இந்நிலையில், ‘திரிஷ்யம் 2’ தெலுங்கு மறுதயாரிப்புகில் நடிகை பூர்ணா முக்கிய கதாபாத்திரத்தில் நடிக்க ஒப்பந்தமாகி உள்ளார். மலையாளத்தில் மோகன்லால் தரப்பு வக்கீலாக நடித்திருந்த நடிகை சாந்தி பிரியாவின் கதாபாத்திரத்தில் பூர்ணா நடிக்க உள்ளதாக கூறப்படுகிறது. விரைவில் நடிகை பூர்ணா திரிஷ்யம் 2 தெலுங்கு மறுதயாரிப்பு படப்பிடிப்பில் கலந்து கொள்ள உள்ளாராம்.
[embedded content]
Source: Malai Malar
