ஆர்யா, விஷால் நீண்ட இடைவெளிக்கு பிறகு இணைந்து நடிக்கும் எனிமி படத்தை ஆனந்த் சங்கர் இயக்கி வருகிறார்.
தமிழ் திரைப்படத்தில் முன்னணி நடிகர்களாக இருக்கும் ஆர்யா, விஷால் இருவரும் நெருங்கிய நண்பர்கள். இருவரும் இணைந்து பாலா இயக்கிய அவன் இவன் படத்தில் நடித்திருந்தார்கள். தற்போது நீண்ட இடைவெளிக்கு பிறகு இருவரும் இணைந்து ‘எனிமி’ படத்தில் நடித்து வருகிறார்கள்.
இப்படத்தை அரிமா நம்பி, இருமுகன், நோட்டா போன்ற படங்களை இயக்கிய ஆனந்த் சங்கர் இயக்கி வருகிறார். இதில் விஷாலுக்கு ஜோடியாக மிர்ணாளினியும், ஆர்யாவுக்கு ஜோடியாக மம்தா மோகன்தாஸும் நடிக்கின்றனர்.
இப்படத்தின் முதற்கட்ட படப்பிடிப்பு ஐதராபாத்தில் நடந்தது. அடுத்த கட்ட படப்பிடிப்பிற்காக கடந்த மாதம் படக்குழு துபாய் சென்றிருந்தது. அங்கு அதிரடி சண்டை காட்சிகள் படமாக்கப்பட்டன. 30 நாட்களாக துபாயில் நடைபெற்று வந்த இரண்டாம் கட்ட படப்பிடிப்பு தற்போது முடிவுக்கு வந்துள்ளது. இறுதிக்கட்ட படப்பிடிப்பை சென்னையில் நடத்த உள்ளனர்.
[embedded content]
Source: Malai Malar
