இயக்குனர் வெற்றிமாறன் அடுத்ததாக இயக்கும் படத்தில் சூரி, விஜய் சேதுபதி, பவானி ஸ்ரீ ஆகியோர் நடித்து வருகின்றனர்.
தமிழ் திரைப்படத்தில் முன்னணி இயக்குனராக வலம்வரும் வெற்றிமாறன் அடுத்ததாக சூரி நாயகனாக நடிக்கும் படத்தை இயக்கி வருகிறார். எழுத்தாளர் ஜெயமோகனின் துணைவன் என்கிற சிறுகதையை மையமாக வைத்து இப்படம் தயாராகி வருகிறது. இப்படத்தில் சூரிக்கு ஜோடியாக பவானி ஸ்ரீ நடிக்கிறார். இந்தப்படத்தில் நடிகர் விஜய் சேதுபதியும் முக்கிய கதாபாத்திரத்தில் நடிக்கிறார். இளையராஜா இப்படத்திற்கு இசையமைக்கிறார்.
இந்நிலையில், இப்படத்தின் தலைப்பு குறித்த தகவல் வெளியாகி உள்ளது. அதன்படி இப்படத்திற்கு விடுதலை என தலைப்பு வைக்கப்பட்டுள்ளதாக கூறப்படுகிறது. ஏற்கனவே இதே பெயரில் கடந்த 1986ம் ஆண்டு சிவாஜி, ரஜினி நடிப்பில் ஒரு படம் வெளியானது. ஆதலால் அத்தலைப்பை மீண்டும் பயன்படுத்திக் கொள்ள அனுமதி கோரி, சம்பந்தப்பட்ட தயாரிப்பு நிறுவனத்திடம் இயக்குனர் வெற்றிமாறன் பேசி வருவதாகவும், விரைவில் இதுகுறித்த அறிவிப்பு வெளியாகும் எனவும் கூறப்படுகிறது.
[embedded content]
Source: Malai Malar