நெல்சன் இயக்கத்தில் உருவாக உள்ள தளபதி 65 படத்தில் நடிகர் விஜய்க்கு ஜோடியாக பூஜா ஹெக்டே நடிக்க உள்ளார்.
நடிகர் விஜய்யின் 65-வது படத்தை நெல்சன் இயக்க உள்ளார். இப்படத்தை தற்காலிகமாக ‘தளபதி 65’ என அழைத்து வருகின்றனர். சன் பிக்சர்ஸ் நிறுவனம் தயாரிக்கும், இப்படத்திற்கு அனிருத் இசையமைக்கிறார். இப்படத்தில் விஜய்க்கு ஜோடியாக பூஜா ஹெக்டே நடிக்க உள்ளார். இப்படம் மிகப்பெரிய வரவு செலவுத் திட்டத்தில் பிரம்மாண்டமாக தயாராக உள்ளது.
இந்நிலையில், தளபதி 65 படம் இன்று பூஜையுடன் தொடங்கி உள்ளது. இதில் நடிகர் விஜய், இயக்குனர் நெல்சன், ஒளிப்பதிவாளர் மனோஜ் பரமஹம்சா உள்பட படக்குழுவினர் கலந்துகொண்டனர். நடிகை பூஜா ஹெக்டே, “வேறு படத்தின் படப்பிடிப்பிற்காக வெளியூர் சென்றுள்ளதால், தளபதி 65 படத்தின் பூஜையில் கலந்துகொள்ள முடியவில்லை” என டுவிட்டரில் பதிவிட்டுள்ளார்.
தளபதி 65 படத்திற்கு இன்று பூஜை போடப்பட்டாலும், படப்பிடிப்பு தமிழக சட்டசபை தேர்தல் முடிந்த பிறகே தொடங்கும் என கூறப்படுகிறது.
[embedded content]
Source: Malai Malar
