நடிகர், இயக்குனர், பாடலாசிரியர், பாடகர் என பன்முகத்திறமை கொண்டவராக விளங்கும் கமல், ஒரே நேரத்தில் 2 படங்களில் நடிக்க திட்டமிட்டுள்ளாராம்.
நடிகர் கமல்ஹாசன் தேர்தல் பணிகள் காரணமாக புதிய படங்களில் நடிப்பதை நிறுத்தி வைத்து இருந்தார். தற்போது மீண்டும் படப்பிடிப்பில் தீவிரமாக ஈடுபடத் தயாராகி உள்ளார். அவர் கைவசம் இந்தியன் 2, விக்ரம் ஆகிய 2 படங்கள் உள்ளன. இந்தியன் 2 படப்பிடிப்பு பல மாதங்களாக முடங்கி உள்ளது.
இதனால் இயக்குனர் ஷங்கர் தெலுங்கு படத்தையும், இந்தியில் அந்நியன் பட மறுதயாரிப்பையும் இயக்க போகிறார். இந்தியன் 2 படத்தை முடிக்காமல் வேறு படத்தை ஷங்கர் இயக்க தடை கேட்டு லைகா நிறுவனம் நீதிமன்றத்திற்கு சென்றுள்ளது.
இந்நிலையில், கமல்ஹாசன் இந்த பிரச்சனையில் தலையிட்டு ஷங்கரையும், தயாரிப்பாளரையும் சமரசப்படுத்தும் முயற்சியில் ஈடுபட்டு உள்ளதாக தகவல் வெளியாகி உள்ளது. இதனால் விரைவில் இந்தியன் 2 படப்பிடிப்பு தொடங்கலாம் என்று எதிர்பார்க்கப்படுகிறது.
விக்ரம் படத்தின் கதையில் சிறிய மாற்றம் செய்யும்படி இயக்குனர் லோகேஷ் கனகராஜுக்கு கமல் அறிவுறுத்தி இருப்பதாக ஏற்கனவே தகவல்கள் வந்தன. அந்தப் பணியை இயக்குனர் லோகேஷ் கனகராஜ் முடித்துவிட்டதாக கூறப்படுகிறது. இதையடுத்து விக்ரம் படத்திலும் கமல் நடிக்க இருக்கிறார். இரு படங்களிலும் மாறி மாறி நடிக்க கமல் திட்டமிட்டு இருப்பதாக கூறப்படுகிறது.
[embedded content]
Source: Malai Malar
