மஹா படத்தின் வெளியீட்டு தேதியை சரியான நேரத்தில் அறிவிப்போம் என்று தயாரிப்பு நிறுவனம் தரப்பில் தகவல் தெரிவிக்கப்பட்டு உள்ளது.
நடிகை ஹன்சிகாவின் 50-வது படம் ‘மஹா’. யு.ஆர்.ஜமீல் இயக்கத்தில் உருவாகி இருக்கும் இப்படத்தில் நடிகர் சிம்பு முக்கிய கதாபாத்திரத்தில் நடித்துள்ளார். மதியழகன் தயாரித்துள்ள இப்படத்திற்கு ஜிப்ரான் இசையமைத்துள்ளார். இப்படத்தின் படப்பிடிப்பு முடிந்து வெளியீட்டிற்கு தயாராகி வருகிறது.
இந்நிலையில், இப்படத்திற்கு தடை விதிக்கப்பட்டு உள்ளதாக தகவல் பரவி வந்தது. அது குறித்து தயாரிப்பு நிறுவனம் கூறியுள்ளதாவது:
‘‘சிம்பு, ஹன்சிகா நடிப்பில் உருவாகியுள்ள ‘மஹா’ படத்தின் அனைத்து பணிகளும் முடிவடைந்து விட்டன. படம் வெளியீட்டுக்கு தயார் நிலையில் உள்ளது.
ஹன்சிகா, சிம்பு
மஹா படத்தின் மீது எந்த ஒரு தடையையும் சென்னை உயர்நீதிநீதி மன்றம் விதிக்கவில்லை. படத்தின் வெளியீட்டு தேதியை சரியான நேரத்தில் அறிவிப்போம். இன்னும் சில காலம் அவகாசம் அளிக்கும்படி, ரசிகர்களை கேட்டுக்கொள்கிறோம்.’’ இவ்வாறு அதில் கூறப்பட்டுள்ளது.
[embedded content]
Source: Malai Malar