நல்ல தொடக்கம் கிடைத்த போதிலும் விராட் கோலி, டி வில்லியர்ஸ் சொதப்ப மும்பை இந்தியன்ஸ் அணிக்கு 165 ஓட்டங்கள் வெற்றி இலக்காக நிர்ணயித்துள்ளது ஆர்சிபி.
ஐபிஎல் தொடரின் 48-வது லீக் ஆட்டம் அபு தாபியில் நடைபெற்று வருகிறது. இதில் மும்பை இந்தியன்ஸ் – ராயல் சேலஞ்சர்ஸ் பெங்களூர் அணிகள் பலப்பரீட்சை நடத்தி வருகின்றன.
டாஸ் வென்ற மும்பை இந்தியன்ஸ் பந்து வீச்சை தேர்வு செய்தது. அதன்படி ராயல் சேலஞ்சர்ஸ் பெங்களூர் முதலில் மட்டையாட்டம் செய்தது. ஜோஷ் பிலிப், தேவ்தத் படிக்கல் ஆகியோர் தொடக்க வீரர்களாக களம் இறங்கினர்.
இருவரும் சிறப்பான தொடக்கம் அமைத்து கொடுத்தனர். ஜோஷ் பிலிப் 24 பந்தில் 33 ஓட்டங்கள் எடுத்து ஆட்டமிழந்தார். அப்போது ஆர்சிபி 7.5 சுற்றில் 71 ஓட்டங்கள் எடுத்திருந்தது. அடுத்து வந்த விராட் கோலி 9 ரன்னிலும், டி வில்லியர்ஸ் 15 ரன்னிலும், ஷிவம் டுபே 2 ரன்னிலும் வெளியேறினர்.
தேவ்தத் படிக்கல் 45 பந்தில் 74 ஓட்டங்கள் அடிக்க ராயல் சேலஞ்சர்ஸ் பெங்களூர் 20 சுற்றில் 6 மட்டையிலக்கு இழப்பிற்கு 164 ஓட்டங்கள் அடித்துள்ளது. குர்கீரத் சிங் மான் 14 ரன்களும், வாஷிங்டன் சுந்தர் 10 ரன்களும் அடித்து ஆட்டமிழக்காமல் இருந்தனர்.
மும்பை அணி சார்பில் பும்ரா 4 சுற்றில் 14 ஓட்டங்கள் மட்டுமே விட்டுக்கொடுத்து 3 மட்டையிலக்கு சாய்த்தார்.
Related Tags :
[embedded content]
Source: Maalaimalar