தண்ணீரை முறையாகப் பயன்படுத்துவது குறித்த விழிப்புணர்வை மக்களிடையே பரப்ப உதவும் ‘நதி திருவிழாக்களை’ அனுசரிக்க நகர்ப்புற நகரங்களை வலியுறுத்துகிறேன்.
நலத் திட்டங்கள் தொடக்கம் மற்றும் அடிக்கல் நாட்டு விழாவில் பங்கேற் பதற்காக மகாராஷ்டிரா மாநிலம் சென்றுள்ள பிரதமர் மோடி, புனே நகரில் புதிதாக அமைக்கப்பட்டுள்ள பாதாளத்தொடர்வண்டி (மெட்ரோத் தொடர்வண்டி) திட்டத்தின் ஒரு பகுதியை தொடங்கி வைத்தார்.
பின்னர் பொதுக்கூட்டத்தில் பிரதமர் மோடி பேசியதாவது:-
ஒவ்வொரு நகரத்திலும் ஸ்மார்ட் போக்குவரத்து வசதிகளுக்காக பசுமை போக்குவரத்து மற்றும் மின்சார வாகனங்களை வழங்குவதில் மத்திய அரசு கவனம் செலுத்துகிறது.
மெட்ரோ இணைப்பு உட்பட வெகுஜன போக்குவரத்தை அரசாங்கம் முன்கூட்டியே விரிவுபடுத்துகிறது. சுற்று பொருளாதாரத்தை மேம்படுத்தும் கழிவு மற்றும் கழிவுநீர் மேலாண்மை ஆலைகளுடன் ஒருங்கிணைந்த கட்டளை மற்றும் கட்டுப்பாட்டு மையத்தை அமைப்பதிலும் நாங்கள் கவனம் செலுத்துகிறோம்.
தண்ணீரை முறையாகப் பயன்படுத்துவது குறித்த விழிப்புணர்வை மக்களிடையே பரப்ப உதவும் ‘நதி திருவிழாக்களை’ அனுசரிக்க நகர்ப்புற நகரங்களை வலியுறுத்துகிறேன்.
புனே பசுமை எரிபொருளுக்கு பெயர் பெற்றது. வெளிநாடுகளில் இருந்து கச்சா எண்ணெயை சார்ந்திருப்பதை குறைக்க எத்தனால் உற்பத்தியில் கவனம் செலுத்துகிறோம். விவசாயிகளுக்கும் பயனளிக்கும் மையங்களை புனேவில் நிறுவியுள்ளோம்.
புனே ஒரு கல்வி, தகவல் தொழில்நுட்பம் மற்றும் ஆட்டோமொபைல் மையமாக தன்னை வளர்த்துக் கொண்டுள்ளது. இதற்கு மத்தியில் புனே மக்களின் தேவைகளைப் பூர்த்தி செய்ய நாங்கள் பணியாற்றி வருகிறோம். பாதாளத்தொடர்வண்டி (மெட்ரோத் தொடர்வண்டி) மூலம் கார்பன் வாயு வெளியேற்றம் பெருமளவு குறையும்.
இவ்வாறு அவர் கூறினார்.
இதையும் படியுங்கள்.. பாதுகாப்பு பணியில் தனியார் நிறுவனங்களும் தேவைப்படும் – மத்திய உள்துறை மந்திரி தகவல்
Related Tags :
[embedded content]
Source: Maalaimalar
